Kʼelo li kʼusi yichʼoje

Batan ta saʼobil

 XCHANOBIL 4

¿Kʼu yuʼun la jpaskutik li Vivlia Traducción del Nuevo Mundo sbie?

¿Kʼu yuʼun la jpaskutik li Vivlia Traducción del Nuevo Mundo sbie?

República Democrática del Congo

Ruanda

Jvokʼ tsʼib ta griego la spas Símaco (ta yoxibal o xchanibal siglo) ti te tsakal sbi Dios li ta Salmo 69:31

Oy xa ta sjaylajunebaluk jabile laj toʼox jpaskutik imprimir, jtuneskutik xchiʼuk la jpukutik jeltos Vivliaetik li stestigounkutik Jeovae. Akʼo mi jech, ta tsʼakale laj kakʼkutik venta ti skʼan xichʼ lokʼesel yan Vivlia sventa mas kʼun ta aʼibel smelolal xchiʼuk ti akʼo «yotquinic li cʼusi [melel]» li krixchanoetike, ti jaʼ li kʼusi tskʼan Diose (1 Timoteo 2:3, 4). Jaʼ yuʼun li ta jabil 1950 lik jpaskutik ta inglés jayibuk livroetik li ta Vivliae, jech laj yichʼ pasel kʼuchaʼal chkʼopojik li krixchanoetike. Li Vivlia taje jaʼ li Traducción del Nuevo Mundo sbie, lek tukʼ yichʼoj jelubtasel ta mas ta 130 kʼopetik.

Chtun ox jun Vivlia ti kʼun ta aʼibel smelolale. Ta skoj ti chjel batel li kʼopetike li kʼuyelan jelubtasbil epal Vivliaetike mu xa jamaluk smelolal o muʼyuk xa jech chijkʼopoj li kʼuyelan pasbile. Jech xtok, yichʼoj tael voʼneal tsʼibetik ti mas xkoʼolaj xchiʼuk li bu laj yichʼ tsʼibael ta voʼne li Skʼop Diose, taje jaʼ koltavan sventa xichʼ aʼibel smelolal li hebreo, arameo xchiʼuk griego ti jaʼ la stunesik sventa stsʼibaik li Vivliae.

Skʼan ox lek tukʼ xichʼ jelubtasel jech kʼuchaʼal laj yal stuk li Diose. Li buchʼutik tsjelubtasike mu stakʼ spas sbaik ta mantal sventa stikʼik o stupʼik li kʼusi chal li tsʼibetik ti jaʼ yakʼoj ta naʼel Diose; skʼan jech xiktaik kʼuchaʼal laj yichʼ tsʼibael ta voʼnee. Pe bu chata, jutuk mu skotoluk li Vivliaetike muʼyuk tstunesbe li sbi Diose, ti jaʼ li Jeovae.

Skʼan ox jun Vivlia ti chichʼ ta mukʼ li Buchʼu laj yakʼ ta naʼele (2 Samuel 23:2). Li ta Vivlia Traducción del Nuevo Mundo sbie, li sbi Diose laj yichʼ chaʼtsʼibael jutuk mu vukmiluk ta velta jech kʼuchaʼal oy toʼox li ta voʼneal tsʼibetik sventa Vivliae, ti jech kʼuchaʼal chvinaj li ta lokʼol ta olone (Éxodo 3:14, 15, kʼelo tsʼib ta yok vun). Ta skoj ti ep laj yichʼ chanbel skʼoplale xuʼ jun koʼonton jchantik li Vivlia taje, yuʼun jamal chal li snopbentak Diose. Ta jtijkutik avoʼonton sventa xanopes aba ta skʼelel jujun kʼakʼal li Skʼop Jeovae, xuʼ jaʼ xatunes li Traducción del Nuevo Mundo mi oy ta akʼope o mi muʼyuke xuʼ xatunes yan (Josué 1:8; Salmo 1:2, 3).

  • ¿Kʼu yuʼun tsots skʼoplal laj kilkutik ti skʼan xichʼ pasel yan Vivliae?

  • ¿Kʼusi skʼan spas jujun kʼakʼal li buchʼu tskʼan tsnaʼ kʼusi tskʼan yoʼonton Diose?