Argentina

Sierra Leona

Bélgica

Malasia

Epal krixchanoetike mu xa bu chkʼot ta stemploik o ta xchʼulnaik ta skoj ti muʼyuk tstaik beiltasel ta mantal xchiʼuk spatel yoʼontonike. Mi jeche, ¿kʼu yuʼun skʼan chabat li ta stsobajelik stestigotak Jeovae? ¿Kʼusi xuʼ xata te?

Jaʼ ti xamuyubaj noʼox xchiʼuk krixchanoetik ti lek xkʼopojik xchiʼuk ti lek yoʼontonike. Li yajtsʼaklomtak Cristo ta baʼyel sigloe svokʼoj sbaik toʼox ta jujun tsobobbail. Ta stsob sbaik sventa chichʼik ta mukʼ Dios, ta xchanbeik li Skʼope xchiʼuk sventa tspatbe sba yoʼontonik (Hebreos 10:24, 25). Kʼalal stsoboj sbaike jun yoʼontonik, yuʼun toj lek xil sbaik ta melel o yamigo sbaik xchiʼuk li yermanotakike (2 Tesalonicenses 1:3; 3 Juan 15, Ch). Li voʼonkutike jech ta jpaskutik xchiʼuk jech chimuyubajkutik ek.

Jaʼ ti chachan yakʼel ta akuxlejal li beiltaseletik ta Vivliae. Jech kʼuchaʼal tspasik toʼox ta voʼnee, ta bikʼit ta mukʼ ta jtsob jbakutik. Te une oy jchanubtasvanejetik ti lek chanemik ti chakʼik iluk kʼuxi xuʼ xkakʼ ta jkuxlejalkutik jujun kʼakʼal li beiltaseletik ta Vivliae (Deuteronomio 31:12; Nehemías 8:7, 8). Kʼalal chichʼ jakʼel xchiʼuk chichʼ takʼel li ta tsobajele xuʼ xkakʼ jloʼiltik, xchiʼuk xuʼ jkʼejintatik kʼejoj, taje jaʼ sventa xkakʼtik ta ilel ta jujuntal li kʼusi jmalaojtik chakʼ Dios ta jelavele (Hebreos 10:23).

Jaʼ ti xuʼ xatsatsubtas xchʼunel avoʼonton ta stojolal Diose. Li ta voʼnee xi la stsʼibabe batel jun tsobobbail li jtakbol Pabloe: «Yuʼun oy ta coʼnton ta jqʼueloxuc caʼi [...] yoʼ coʼol ta jtsatsubtasbe jba coʼntontic ta jujun [tal], ti cʼu sʼelan cʼotem ta avoʼntonic ta xchʼunele jech cʼu chaʼal jchʼunoj eque» (Romanos 1:11, 12, Ch). Kʼalal ta jtsob jbakutik xchiʼuk li ermanoetike ta stsatsub xchʼunel koʼontonkutik xchiʼuk mas chkʼot ta koʼontonkutik yakʼel ta jkuxlejalkutik li beiltaseletik ta Vivliae.

Ta yan velta jtsobajelkutike, xuʼ xabat sventa chavakʼ venta ti jeche. Lek chʼambil chakʼot. Muʼyuk tojbil chij-och xchiʼuk muʼyuk chichʼ kʼanel takʼin te.

  • ¿Bu laj yichʼ chanel ti kʼuyelan chichʼ pasel li jtsobajelkutike?

  • ¿Kʼusitik sbalil xuʼ xata li ta jtsobajelkutike?