Nueva Zelanda

Japón

Uganda

Lituania

Li yajtsʼaklomtak Cristo ta baʼyel sigloe, chkʼejinik toʼox li ta tsobajele, tspasik orasion, tskʼelik xchiʼuk chchanbeik skʼoplal li Skʼop Diose. Pe muʼyuk kʼusi yan labal sba tspasik (1 Corintios 14:26). Mi latal li ta jtsobajelkutike te chavil ti koʼoltik jech ta jpaskutike.

Ta Vivlia chlokʼ li kʼusitik chichʼ chanel tee. Li ta sabado o domingoe ta jtsob jbakutik ta skotol tsobobbailetik sventa chkaʼikutik li Mantal sventa Skotol Krixchanoetik ti chjalij 30 minutoe, te chakʼ ta ilel kʼuxi xuʼ chtun ta jkuxlejalkutik li beiltaseletik ta Vivliae xchiʼuk kʼuxi tskoltaunkutik li avi kʼakʼale. Li buchʼutik te oyike chichʼik albel ti akʼo skʼel batel ta Svivlia stukik li teksto chichʼ kʼelele. Mi laje chtal Xchanel Li Jkʼel osil ta toyole, ti bu xuʼ xakʼ sloʼilik li buchʼutik te oyike. Taje jaʼ te chichʼ chanbel skʼoplal jun xchanobil li ta revista Li Jkʼel osil ta toyole, jun ora chjalij. Chakʼ ta ilel kʼuxi xuʼ xkakʼ ta jkuxlejalkutik li tojobtaseletik ta Vivliae. Li mas ta 110,000 tsobobbail ti oy ta spʼejel Balumile koʼol li kʼusi chichʼ chanele.

Mas chlekub ti kʼuyelan chichanubtasvankutike. Jech xtok, jun velta ta xokol kʼakʼale ta jtsob jbakutik sventa ch-echʼ jun tsobajel ti ta oxvokʼ chichʼ chʼakele ti jaʼ sbi Jkuxlejaltik xchiʼuk Kabteltik sventa Dios, te chichʼ lokʼesel li ta programa xchiʼuk bu chijtsʼibaj, Jkuxlejaltik xchiʼuk Kabteltik sventa Dios ti chlokʼ jujun ue. Li baʼyel parte li ta tsobajel taje, Kʼusitik Kʼupil sba ta Vivlia, tskoltaunkutik sventa xkojtikinkutik jun chibuk kapitulo ta Vivlia ti kak xa noʼox jkʼelojkutik tal li kapituloetik taje. Li jvokʼ, Tojobkutik mas ta Spasel li Kabteltike, chichʼ akʼel ta ilel skʼelobiltak ti kʼu yelan ta chanel Vivlia xchiʼuk li yan krixchanoetike. Oy jun jtojobtasvanej ti chal kʼusitik xuʼ skoltaunkutik yoʼ xitojobkutik mas ta skʼelel vun o ti xikʼopojkutik ta yeloval epal krixchanoetike (1 Timoteo 4:13). Li ta slajeb parte, ti bu chal Li Jkuxlejaltike, chalbe skʼoplal ti kʼuxi xuʼ xkakʼ ta jkuxlejaltik li beiltaseletik ta Vivliae. Li ta jvokʼ mantal taje oy jun parteil ti talem sjakʼobiltak sventa tskoltautik ta yaʼibel smelolal li kʼusi mas tsotsik skʼoplal ta Vivliae.

Mi labat li ta jtsobajelkutike labal to chavil ti kʼu to yelan chkichʼkutik chanubtasel ta Vivliae (Isaías 54:13).

  • ¿Kʼusi te chavil mi labat li ta stsobajel stestigotak Jeovae?

  • Li ta tsobajel ta jpaskutik jujun xemanae, ¿bu van junukal chakʼan chabat?