Corea del Sur

Brasil

Australia

Guinea

Li Jeovae voʼne onoʼox ti tskʼan koʼoluk kʼusitik tspasik li utsʼ alaliletik sventa tstsatsubtas sbaik ta mantal xchiʼuk ti jmojuk-o tsobolike (Deuteronomio 6:6, 7). Jaʼ yuʼun, li stestigounkutik Jeovae ta jchʼakbekutik yorail jujun xemana sventa chkichʼkutik ta mukʼ ta kutsʼ kalalkutik li Diose, ta jchankutik mantaletik ti chtun kuʼunkutik ta kutsʼ kalalkutike. Li buchʼutik stuk nakalik xtoke, xuʼ stabeik sbalil mi la xchʼakbeik yorail sventa chchanik jtosuk chanubtasel ta Vivlia ti lek chaʼiike.

Jech chinopajkutik mas ta stojolal Jeova. «Nopajanic ta stojol li Diose, jech chnopaj ta atojolic ec.» (Santiago 4:8.) Kʼalal ta jchankutik ta Vivlia li stalelaltak xchiʼuk ti kʼusitik la spas li Jeovae mas chkojtikinkutik-o. Li kʼusi xuʼ xlik apas ta avutsʼ avalale jaʼ ti xlik achanik li jayib kapitulo chichʼ chanel Vivlia ta Jkuxlejaltik xchiʼuk Kabteltik sventa Dios, taje xuʼ tsots xavaptaik. Xuʼ van xakʼelik jayibuk versikulo ta jujuntal, mi laje xuʼ xavalik li kʼusi achʼ la achanik ta Vivliae.

Jech chinopajkutik mas ta stojolal kutsʼ kalalkutik. Li malaliletik, ajnilaletik, totil meʼiletik xchiʼuk alab nichʼnabiletike, jaʼ jech mas chnopajik ta jujuntal xchiʼuk li yutsʼ yalalik kʼalal jmoj chchanik li Vivliae. Skʼan ti ta sjunul yoʼonton tsmalaik sventa sta yoraile xchiʼuk ti xmuyubajik noʼoxe. Li totil meʼiletike xuʼ van tskʼan chchanik mantaletik ti lokʼemik ta revista ¡Despertad!, Li Jkʼel osil ta toyole o ta jpajinakutik ta Internet ta www.jw.org/tzo, jaʼ ti kʼuyelan sjabilal li yalab xnichʼnabike o junuk mantal ti xuʼ van xtun yuʼunik ta chanobvun sventa stsal yuʼunik junuk vokolile. ¿Kʼu yuʼun mu xakʼel junuk programa ta Kanal JW (tv.jw.org/tzo) xchiʼuk ti jmoj xachanbeik skʼoplal ta tsʼakale? Xuʼ van xchanik li kʼejojetik chichʼ kʼejintael ta tsobajele xchiʼuk xuʼ oy kʼusi slajesik kʼalal mi laj xaʼox yoʼontonike.

Kʼalal ta jchʼakbekutik yorail sventa jmoj chkichʼkutik ta mukʼ li Jeova ta kutsʼ kalalkutike jaʼ tskoltaunkutik sventa jkʼupinkutik xchanel li Skʼop Diose xchiʼuk kʼalal jech ta jpaskutike chakʼbunkutik sbendision li Diose (Salmo 1:1-3).

  • ¿Kʼu yuʼun ta jchʼakbekutik yorail li yichʼel ta mukʼ Jeova ta kutsʼ kalalkutike?

  • ¿Kʼusi xuʼ spas li totil meʼiletik sventa xuʼ skʼupinik skotolik taje?