Kʼelo li kʼusi yichʼoje

Batan ta saʼobil

 XCHANOBIL 25

¿Kʼu yuʼun xchiʼuk kʼuxi ta jvaʼankutik Salonetik sventa Tsobobbail?

¿Kʼu yuʼun xchiʼuk kʼuxi ta jvaʼankutik Salonetik sventa Tsobobbail?

Bolivia

Nigeria, kʼu toʼox yelan, kʼuyelan kom

Tahiti

Li bu ta jtsob jbakutike Salon sventa Tsobobbail sbi kuʼunkutik, te ta jchanbekutik skʼoplal kʼusi chal Vivlia ta sventa li Ajvalilal yuʼun Diose, ti jaʼ mas laj yalbe skʼoplal kʼalal la xchol mantal li Jesuse (Lucas 8:1).

Jaʼ li bu chkichʼkutik ta mukʼ Dios ta jun jteklume. Jaʼ te chichʼ chapanbel skʼoplal li xcholel lekil aʼyeje (Mateo 24:14). Li salonetike jeltos smukʼtikil xchiʼuk yelanil, pe lekik noʼox sba pasbil. Ta junantik salone maʼuk noʼox jun tsobobbail te tstsob sbaik. Li echʼ jabiletike ta sjaylajunmilal xa noʼox salonetik laj yichʼ vaʼanel, jutuk mu voʼpʼejuk salon ta kʼakʼal, sventa jechuk ch-epaj kʼuchaʼal ch-epaj batel li tsobobbailetike. ¿Kʼuxi ti jech pasem kuʼunkutike? (Mateo 19:26.)

Chichʼ pasel ta tsobbil matanal takʼin ti jaʼ sventa spasel salonetike. Ti kʼuyepal tstsob matanal takʼin li tsobobbaile tstak batel li ta Betel bu ventainbile, vaʼun li Betele chakʼbe xchʼamun li tsobobbailetik ti mas chtun yuʼunik sventa tspasik achʼ salon o ti chchaʼachʼubtasike.

Li buchʼutik tsvaʼanike muʼyuk chichʼik tojel xchiʼuk jeltos bu likemik tal. Ta epal mukʼta lumetike oy Grupoetik ti Tsvaʼanik Salonetik sventa Tsobobbaile. Li ta grupoetik taje oy buchʼutik chbatik ta jujun tsobobbail sventa tsvaʼanik salonetik, jmoj chanavik xchiʼuk yan ermanoetik ti chkoltavanik kʼuk noʼox sjalile. Skotol li ermanoetik taje nom bu chbatik sventa tskoltaik ermanoetik ta svaʼanbel li salonike. Li grupoetik taje muʼyuk chbatik ta abtel ta yan balumil, jaʼ noʼox li ta yosilal bu nakalike. Ta yan lumetike oy buchʼutik vaʼanbil sventa tsbeiltasik li spasel achʼ salon xchiʼuk xchaʼachʼubtasel li bu kʼalal staojik skʼelele. Akʼo mi oy buchʼutik lek chanemik ti chkoltavanike, jutuk mu skotoluk li buchʼutik chkoltavanik ta svaʼanel jun salone jaʼik li buchʼutik te tstunesike. Ti jech pasem taje jaʼ ta skoj li xchʼul espiritu Jeovae xchiʼuk ti chakʼik persa li steklumale (Salmo 127:1; Colosenses 3:23).

  • ¿Kʼuxi chvaʼi kuʼunkutik ta spʼejel Balumil li Salonetik sventa Tsobobbaile?