Kʼelo li kʼusi yichʼoje

Sventa xasut ta xchibal pajina

Batan ta saʼobil

Stestigotak Jeova

tsotsil

¿Buchʼutik tspasik li kʼusi tskʼan yoʼonton Jeova avie?

 XCHANOBIL 26

¿Kʼuxi ta jkolta jbakutik yoʼ lekuk noʼox li Salon sventa Tsobobbaile?

¿Kʼuxi ta jkolta jbakutik yoʼ lekuk noʼox li Salon sventa Tsobobbaile?

Estonia

Zimbabue

Mongolia

Puerto Rico

Ta skoj ti yichʼojbe sbi Dios skotol li Salon sventa Tsobobbail yuʼun Stestigotak Jeovae, skʼan ti lek sake xchiʼuk ti lekuk noʼox oye. Taje jaʼ jun matanal chkaʼikutik spasel, yuʼun jaʼ jtos ti kʼuyelan xuʼ xkichʼkutik ta mukʼ Diose. Ta sventa taje jkotolkutik xuʼ xikoltavankutik.

Mi laj tsobajele ta jkolta jbakutik ta smesel xchʼubael li salone. Ta jujukoj chlaj tsobajele li buchʼutik teunkutike chlokʼ ta koʼontonkutik smesel xchiʼuk xchʼubael li salone. Jun velta ta xemanae mas to lek chichʼ mesel xchiʼuk chichʼ chʼubael xtok. Jun mol ta tsobobbail o jun yajkoltaobba mol jaʼ oy ta sba li abtelaletik taje, chichʼ tsakel ta vun li kʼusitik chichʼ pasele: skʼan mesel xchiʼuk pokel li pisoetike; chichʼ kusel xchiʼuk chichʼ cholel li xilaetike, smesel xchiʼuk spokel li bañoe; skusel ventanaetik xchiʼuk nenetik; stenel kʼaʼep xchiʼuk skʼelbel spat xokon li salone. Te junuk velta ta jabile ta jkolta jba jkotolkutik ta spasel skotol li kʼusitik skʼan pasel ta salone. Kʼalal chichʼ akʼbel kʼusi xuʼ spasik li kʼox kerem tsebetike jaʼ jech chichʼik chanubtasel sventa xichʼik ta mukʼ li bu chbat kaʼikutik mantale (Eclesiastés 5:1).

Chikoltavankutik kʼalal oy kʼusi skʼan meltsanele. Jujun jabil chichʼ kʼelel kʼuyelan oy ta yut xchiʼuk ta spat xokon li salone, taje jaʼ sventa chichʼ kʼelel kʼusitik skʼan meltsanel sventa lekuk noʼox oy xchiʼuk sventa mu jecheʼuk noʼox xlaj takʼin ta mas jelavel (2 Crónicas 24:13; 34:10). Kʼalal lek sak xchiʼuk lek noʼox oy li Salon sventa Tsobobbaile lek sta-o sventa te chichʼ ichʼel ta mukʼ li Diose. Kʼalal oy ta koʼonton ta jkolta jbakutik sventa lekuk noʼox oye, jech chkakʼkutik ta ilel ti tsots skʼoplal chkilkutik xchiʼuk ti jkʼanojkutik tajek li Jeovae (Salmo 122:1). Jech xtok, xuʼ lek x-ilvanik li ta jteklume (2 Corintios 6:3).

  • ¿Kʼu yuʼun skʼan jkʼelkutik sventa lekuk noʼox ti bu chkaʼikutik mantale?

  • ¿Kʼusitik ta jpaskutik sventa lekuk noʼox sak xvinaj li Salon sventa Tsobobbaile?