Kʼelo li kʼusi yichʼoje

Batan ta saʼobil

¿Kʼusi tskʼan yoʼonton li Diose?

¿Kʼusi tskʼan yoʼonton li Diose?

Li Diose tskʼan ti xijmuyubaj xchiʼuk junuk koʼontontik xijkuxi sbatel osil ta jun paraiso liʼ ta Balumile.

Pe xuʼ van xi xanope: «¿Kʼuxi xa noʼox ti jech taje?». Li Vivliae chal ti Ajvalilal yuʼun Diose jaʼ tspas ta melel taje. Li Jpasvaneje oy ta yoʼonton ti skotoluk krixchanoetik xojtikinik li Ajvalilal taje xchiʼuk li kʼusi tskʼan tspas sventa li krixchanoetike (Salmo 37:11, 29; Isaías 9:7).

Li Diose tskʼan ti lekukutike.

Jech kʼuchaʼal jun totil ti tskʼan lek chbat xkuxlejal li xnichʼone, li Jtotik ta vinajele oy ta yoʼonton ti xijmuyubaj noʼox sbatel osile (Isaías 48:17, 18). Yuʼun jamal chal ti «bochʼo jaʼ tspasilan cʼusi tscʼan yoʼnton Diose jaʼ ta xcuxi sbatel osil» (1 Juan 2:17).

Li Diose tskʼan ti xijxanavutik ta sbee.

Li Vivliae chal ti Jpasvaneje tskʼan ti xijxanav li ta «be yuʼun[e]» jaʼ yuʼun chakʼ «quiltic li beetic yuʼune» (Isaías 2:2, 3). Xchapanoj jun jteklum ti yichʼojbe sbi sventa chakʼ ta ojtikinel ta spʼejel Balumil li kʼusi oy ta yoʼontone (Hechos 15:14TNM).

Li Diose tskʼan ti jmoj tsobol xkichʼtik ta mukʼe.

Li melel relijione muʼyuk bu chchʼak li krixchanoetike, moʼoj, yuʼun tstsob sba yuʼun ta skoj ti tskʼan sbaik ta melele (Juan 13:34, 35). ¿Buchʼutik yakalik ta xchanubtasel viniketik xchiʼuk antsetik ta epal lumetik sventa jmoj tsobol chichʼik ta mukʼ li Diose? Chkalbotkutik ti xasabe stakʼobiltak li ta foyeto liʼe.