Francia

Polonia

Rusia

Li Jesucristoe xi laj yalbe li yajtsʼaklomtake: «Jaʼ jech tscʼan xaxojobanic ta stojol cristianoetic li voʼoxuque, yuʼun jech acʼo yilic ti toj lec avabtelique, jech chlic yichʼic ta mucʼ li Jtotic Dios te oy ta vinajele» (Mateo 5:16). Sventa taje ta jtuneskutik li kʼusitik achʼ chlokʼanuke, jech kʼuchaʼal li Internete. Li jw.org jaʼ jpajinakutik ta Internet ti chal kʼusitik jchʼunojkutik xchiʼuk kʼusitik ta jpaskutik li stestigounkutik Jeovae. ¿Kʼusi xuʼ xata te?

Stakʼobiltak ta Vivlia li kʼusitik mas chichʼ jakʼele. Te chatabe stakʼobiltak li kʼusitik tsotsik skʼoplal mas tsjakʼbe sbaik li krixchanoetike. Jech kʼuchaʼal li tratadoetik ¿Mi ta van xlaj li jvokoltike? xchiʼuk li ¿Mi xuʼ to van xkuxiik yan velta li buchʼutik chamemike? ti oy mas ta jutuk mu 600 kʼopetike. Jech xtok, xuʼ xata te li Vivlia Traducción del Nuevo Mundo ti oy mas ta 130 kʼopetik xchiʼuk ep kʼusitik ti xuʼ xachan-o li Vivliae, jech kʼuchaʼal li livro ¿Kʼusi chchanubtasvan ta melel li Vivliae? xchiʼuk li mas achʼik revista ¡Despertad! xchiʼuk Li Jkʼel osil ta toyole. Taje jutuk mu skotoluk xuʼ te noʼox xichʼ kʼelel o xichʼ aʼiel, o moʼoje xuʼ xichʼ yalesel ta formato ti lek ojtikinbil jech kʼuchaʼal MP3, PDF o EPUB. Mi jech oy ta avoʼontone xuʼ xapas imprimir jayibuk pajina ti oy ta akʼope sventa xavakʼbe li buchʼu oy ta yoʼonton li aʼyej sventa Ajvalilal yuʼun Diose. Oy videoetik ta jaylajuntos senya kʼop, jech xtok xuʼ xichʼ yalesel audiodramaetik, dramaetik ti lokʼemik ta Vivliae xchiʼuk kʼupil sba sonetik ti xuʼ xachikinta kʼalal jaʼo chakux avoʼontone.

Melel aʼyejetik ta sventa li stestigotak Jeovae. Li ta pajina taje chalbe skʼoplal kʼusitik achʼ to kʼotem ta pasel, videoetik sventa li yabtel Dios ta jpaskutik ta spʼejel Balumile, kʼusitik ta jta-o jvokolkutik li stestigounkutik Jeovae xchiʼuk li koltael chkakʼkutik kʼalal oy kʼusitik tsotsik chkʼot ta pasele. Jech xtok, te chal bakʼin ch-echʼ li mukʼta tsobajeletike xchiʼuk chal kʼuxi xuʼ xakʼopoj batel li ta Betele.

Ta skoj ti ta jtuneskutik li kʼusitik achʼ chlokʼanuke, li kʼusi melele chojobaj-o batel ta stojol krixchanoetik manchuk mi nom to tajek oyik, jech kʼuchaʼal li ta jot-o to namal balumil ti Antártida sbie. Ta jpaskutik orasion sventa ta spʼejeluk Balumil «acʼo pucuc ta ora li scʼop Cajvaltique», ti jaʼ sventa yichʼobil ta mukʼ li Jeovae (2 Tesalonicenses 3:1).

  • ¿Kʼuxi chkoltavan li jpajinakutik jw.org sventa chojtikinik-o mas krixchanoetik li kʼusi melel chal Vivliae?

  • ¿Kʼusi chakʼan chasaʼ li ta jpajinakutik ta Internete?