Kʼelo li kʼusi yichʼoje

Batan ta saʼobil

¿Mi chapas li kʼusi tskʼan yoʼonton Jeovae?

¿Mi chapas li kʼusi tskʼan yoʼonton Jeovae?

Kolaval tajek ti la achʼakbe yorail sventa xachan li foyeto liʼe, yuʼun jech xuʼ chavojtikinunkutik mas, chavojtikin li kʼusitik ta jpaskutike xchiʼuk chavil ti kʼuyelan ch-abtej li j-organisasionkutike. Ta jkʼankutik ti lajuk skoltaot sventa xavaʼibe smelolal ti jaʼ noʼox voʼonkutik ta jpaskutik li kʼusi tskʼan yoʼonton Dios li avie. Chkalbotkutik ti xachan-o batel mas ta sventa li Diose. Albo avutsʼ avalal xchiʼuk avamigotak li kʼusi yakalot xchanele xchiʼuk nopoltik noʼox xachiʼinunkutik li ta jtsobajelkutike (Hebreos 10:23-25).

Kʼalal mas chachan ta sventa li Jeovae jaʼ te chavakʼ venta ti skʼanojot tajeke, vaʼun jaʼ tstijbot avoʼonton sventa xapas li kʼusi tskʼane (1 Juan 4:8-10, 19). ¿Kʼuxi xuʼ xavakʼ ta ilel ta akuxlejal jujun kʼakʼal ti akʼanoj li Diose? ¿Kʼu yuʼun xuʼ xatabe sbalil li mantaletik sventa talelalil yakʼoj Diose? ¿Kʼusi tstij avoʼonton sventa xapas li kʼusi tskʼan yoʼonton Dios jech kʼuchaʼal ta jpaskutik li voʼonkutike? Li buchʼu chchanubtasot ta Vivliae jaʼ tskoltaot sventa xatabe stakʼobil li sjakʼobiltak taje. Mi jech la apase teot-o xchiʼuk avutsʼ avalal «ta stojol ti scʼuxul yoʼnton ti Diose» xchiʼuk ti chakʼelik-o batel li kuxlejal sbatel osile (Judas 21, Ti Achʼ Rextomento yuʼun ti Jesucristoe, ta skʼop Chamula).

Ta sjunul koʼonton chkalbotkutik ti xachʼi-o batel ta sventa li melele. Sventa taje toj jtunel avuʼun ti xachan ‹Te oyanik-o li ta kʼanelal yuʼun Diose›.