Kʼelo li kʼusi yichʼoje

Sventa xasut ta xchibal pajina

Batan ta saʼobil

Stestigotak Jeova

tsotsil

¿Buchʼutik tspasik li kʼusi tskʼan yoʼonton Jeova avie?

 XCHANOBIL 1

¿Buchʼuunkutik li stestigotak Jeovae?

¿Buchʼuunkutik li stestigotak Jeovae?

Dinamarca

Taiwán

Venezuela

India

¿Jayvoʼ stestigotak Jeova xavojtikin? Xuʼ van nopol nakalunkutik ti bu oy anae, achiʼilunkutik ta abtel o ta chanun; xuʼ van jchiʼinojotkutik ta loʼil junuk velta ta sventa li Vivliae. ¿Buchʼuunkutik ta melel xchiʼuk kʼu yuʼun ta jpukbekutik skʼoplal li kʼusitik jchʼunojkutike?

Jechunkutik kʼuchaʼal li yan krixchanoetike. Li jchiʼiltakutike kapal ta viniketik xchiʼuk antsetik, jeltos bu likemunkutik tal, jlome abol jbakutik, li yane oy kʼusi mas x-ayan kuʼunkutik. Jlome oy toʼox yan jrelijionkutik, yantik xtoke muʼyuk toʼox jchʼunojkutik Dios, akʼo mi jech, la jchʼakbekutik lek yorail skʼelel o xchanbel skʼoplal li Skʼop Dios kʼalal maʼuk toʼox stestigounkutik Jeovae (Hechos 17:11). La jchʼunkutik li kʼusi la jchankutike xchiʼuk la jnopkutik ti jaʼ chkichʼkutik ta mukʼ li Jeova Diose.

Ta jtabekutik sbalil xchanel li Vivliae. Oy jvokolkutik xchiʼuk oy kʼusi tsots chkaʼikutik spasel jech kʼuchaʼal li yan krixchanoetike; pe ta skoj ti chkakʼkutik persa yakʼel ta jkuxlejalkutik jujun kʼakʼal li beiltasel chakʼ Vivliae mas xa lekubem li jkuxlejalkutike (Salmo 128:1, 2). Taje jaʼ jun srasonal ti chkalbekutik batel krixchanoetik li kʼusitik kʼupil sba jchanojkutik ta Vivliae.

Ta jpas ta jkuxlejalkutik li kʼusi chal Skʼop Diose. Li mantaletik sventa talelal ta Vivliae tskoltaunkutik sventa xkuxet noʼox koʼonton chkaʼi jbakutik, tstij koʼontonkutik sventa xkichʼkutik ta mukʼ yantik, jamal chikʼopojkutik o mu jtsakutik li kʼusi maʼuk kuʼunkutike xchiʼuk oy slekil koʼontonkutik. Tskoltaunkutik sventa mas lek noʼox jbekʼtalkutik xchiʼuk ti lek jnaʼ xi-abtejkutike, xchiʼuk chakʼ ti lek noʼox jmoj tsobol li kutsʼ kalalkutike xchiʼuk ti lekuk jtalelalkutike. Jchʼunojkutik lek «ti muc tʼujbiluc bochʼo chcʼuxubin li Diose», jech oxal, oyunkutik ta spʼejel Balumil, mu jnaʼ jpʼajkutik li buchʼu jelel stsʼunbalik o slumalike. Manchuk mi jechunkutik kʼuchaʼal li yan krixchanoetike jaʼunkutik jun jteklum ti stuk noʼox jeche (Hechos 4:13; 10:34, 35).

  • ¿Kʼuxi xikoʼolajkutik xchiʼuk yan krixchanoetik li stestigotak Jeovae?

  • ¿Kʼusi mantaletik sventa talelal jchanojkutik li ta Vivliae?