Kʼelo li kʼusi yichʼoje

Batan ta saʼobil

 XVAXAKVOKʼAL

¿Kʼuxi xuʼ chatabe sbalil li slajel Jesuse?

¿Kʼuxi xuʼ chatabe sbalil li slajel Jesuse?

Li Jesuse icham sventa xuʼ xijkuxiutik (Juan 3:16)

Kʼalal oxib xaʼox kʼakʼal slajel li Jesuse, jlom antsetike i-ay skʼelik li ta smukinale, pe muʼyuk xa te oy. Yuʼun ichaʼkuxesat xaʼox yuʼun Jeova.

Ta tsʼakale laj yakʼ sba ta ilel ta stojolal yajtakboltak.

Jech, li Jeovae la xchaʼkuxes Jesús kʼuchaʼal jun espiritu ti ep sjuʼel xchiʼuk ti mu snaʼ xchame. Li yajtsʼaklomtake laj yilik imuy batel ta vinajel.

 Li Diose la xchaʼkuxes li Jesuse xchiʼuk laj yakʼ ochuk ta Ajvalil li ta Ajvalilal yuʼune (Daniel 7:13, 14)

Li Jesuse laj yakʼ xkuxlejal sventa tspoj li krixchanoetike (Mateo 20:28). Ta skoj li pojelal taje, xuʼ chakʼ akʼo xi jkuxi sbatel osil li Diose.

Li Jeovae la stʼuj Jesús sventa ch-och ta Ajvalil yoʼ tsventain li Balumile. Tspas mantal xchiʼuk 144,000 tukʼil krixchanoetik ti chichʼik chaʼkuxesel sventa chbatik ta vinajele. Li Jesús xchiʼuk li 144,000, chkʼotik ta jun tukʼil ajvalilal, jaʼ li Ajvalilal yuʼun Diose (Apocalipsis 14:1-3).

Li Ajvalilal yuʼun Diose tskʼatajes ta jun paraiso li Balumile. Chlaj skʼoplal li pas kʼope, li milbaile, li abolbaile xchiʼuk li viʼnale. Chmuyubajik ta melel li krixchanoetike (Salmo 145:16).