Kʼelo li kʼusi yichʼoje

Sventa xasut ta xchibal pajina

Batan ta saʼobil

Stestigotak Jeova

tsotsil

Chikintao kʼusi chal Dios sventa chakuxi sbatel osil

 SVUKVOKʼAL

¿Buchʼu li Jesuse?

¿Buchʼu li Jesuse?

La stak tal ta Balumil Jesús li Jeovae (1 Juan 4:9)

Mi ta jkʼantik lek chilutik li Jeovae, oy to buchʼu yan tsots skʼoplal ti skʼan jchikintabetik li kʼusi chale. Kʼalal jal toʼox tajek skʼan xichʼ pasel li Adane, li Jeovae la spas jun anjel ti ep sjuʼele.

Ta mas tsʼakale, li Jeovae la stak tal sventa chvokʼ ta Belén ta stojolal jun tojol tseb ti María sbie. Jesús laj yichʼ akʼbel sbi li olole (Juan 6:38).

Kʼalal ikuxi ta Balumil li Jesuse, lek tukʼ laj yakʼ ta ilel li stalelaltak Diose. Lek yoʼonton, ikʼanvan xchiʼuk xuʼ xnopajik ta stojolal. Muʼyuk ixiʼ kʼalal ichanubtasvan li kʼusi melel ta sventa Jeovae.

 Akʼo mi lek kʼusitik la spas li Jesuse, laj yichʼ pʼajel (1 Pedro 2:21-24)

Li jnitvanejetik ta relijione la spʼajik li Jesuse, yuʼun jamal laj yal li jecheʼ chanubtasel chakʼike xchiʼuk li smanyailike.

Jech xtok, li Jesuse la xpoxta li buchʼutik ipike xchiʼuk la xchaʼkuxes jlom animaetik.

Li jnitvanejetik ta relijione la xchʼun yuʼunik li jromaetik sventa tsmajik xchiʼuk tsmilik li Jesuse.