Kʼelo li kʼusi yichʼoje

Sventa xasut ta xchibal pajina

Batan ta saʼobil

Stestigotak Jeova

tsotsil

Chikintao kʼusi chal Dios sventa chakuxi sbatel osil

 SBALUNVOKʼAL

¿Bakʼin chtal li Paraisoe?

¿Bakʼin chtal li Paraisoe?

Li vokoliletik ta Balumile chakʼ ta ilel ti poʼot xa chventainvan li Ajvalilal yuʼun Diose (Lucas 21:10, 11; 2 Timoteo 3:1-5)

Skotol li kʼusitik yakal xkʼot ta pasel avie yaloj xa onoʼox li Vivliae. Laj yal ti chbat yoʼontonik ta takʼin li krixchanoetike, mu xchʼunbe smantal stot smeʼik, simaronik xchiʼuk jaʼ chbat ta yoʼontonik li kʼusi tskʼan stukike.

Oy la tsatsal nikeletik, pas kʼopetik, tsatsal viʼnal xchiʼuk chamel ta butikuk noʼox. Yakal xkʼot ta pasel avi skotol taje.

Li Jesús xtoke, laj yal ti chichʼ cholel ta spʼejel Balumil li lekil aʼyej sventa Ajvalilal yuʼun Diose (Mateo 24:14).

 Tslajes skotol choplejal li Ajvalilal yuʼun Diose (2 Pedro 3:13)

Poʼot xa tslajes skotol chopol krixchanoetik li Jeovae.

Tstoj smul li Satanase xchiʼuk li pukujetike.

Li buchʼutik chchikintaik kʼusi chal Diose kuxul chkomik sventa ch-ochik ta jun tukʼil achʼ balumil ti bu chʼabal xa xiʼele, ti bu tskʼan sbaik xchiʼuk ti jun yoʼonton chkuxiike.