Kʼelo li kʼusi yichʼoje

Batan ta saʼobil

 LI JKUXLEJALTIKE

Chanubtaso sventa mu xikta sba ti chtunik ta stojolal Jeovae

Chanubtaso sventa mu xikta sba ti chtunik ta stojolal Jeovae

Kʼalal lek chichʼ chanubtasel ta slikebal li achʼ jcholmantale, jaʼ chkoltaat sventa mu xikta sba, ti lekuk xtojobe xchiʼuk ti xmuyubajuk noʼoxe (Pr 22:6; Flp 3:16). Jkʼeltik batel jayibuk beiltasel ti xuʼ skoltaot sventa lek xchol batel mantal li avaj-estudioe akʼo mi achʼ to:

  • Kʼalal mi lokʼ ta jcholmantal li avaj-estudioe ta ora noʼox lik chanubtaso (km 8/15 paj. 1). Koltao sventa xaʼibe smelolal ti tsots skʼoplal ti xchol mantal jujun xemanae (Flp 1:10). Lekuk skʼoplal xavalbe li bu chacholik mantale (Flp 4:8). Tijbo yoʼonton sventa xchol mantal xchiʼuk li jkʼelvanej ta grupo xchiʼuk yan ermanoetik sventa xchanbe ti kʼu yelan chcholik mantale (Pr 1:5; km 10/12 paj. 6 par. 3).

  • Akʼo mi yichʼoj xa voʼ li avaj-estudioe mu xavikta aba ta xchanubtasel xchiʼuk ta spatbel yoʼonton, mas to skʼan jech xapas mi muʼyuk lajem xchan li livro ‹Kʼanelal yuʼun Dios› (km 12/13 paj. 7).

  • Kʼalal chachol mantal xchiʼuk jun achʼ jcholmantale mu toj tsotsuk ta aʼibel smelolal li kʼusi chavale. Mi laj yoʼontone, albo ti lek la spase. Albo li kʼusi skʼan spas sventa mas lek xtojobe (km 5/10 paj. 7).