Kʼelo li kʼusi yichʼoje

Batan ta saʼobil

 KʼUSITIK KʼUPIL SBA TA VIVLIA | PROVERBIOS 1-6

«Jaʼ noʼox pato avoʼnton ta stojol li Mucʼul Diose»

«Jaʼ noʼox pato avoʼnton ta stojol li Mucʼul Diose»

Jaʼ noʼox xuʼ jpat-o koʼontontik ta stojolal li Jeovae. Li kʼusi skʼan xal li sbie jaʼ chakʼ ti jechuk-o jpat koʼontontik ti chkʼot yuʼun ta pasel li kʼusi yaloj ta melele. Toj tsots me skʼoplal ti jpastik orasion sventa jtsatsubtastik li spatobil koʼontontik ta stojolal li Diose. Li kapitulo 3 ta slivroal Proverbiose chal ta jamal ti mi jpatoj lek koʼontontik ta stojolal li Jeovae, ta me skoltautik sventa lekuk xbat li kʼusitik ta jpastike.

¿Kʼu yelan chakʼ ta ilel stalelal li buchʼu toj pʼij chaʼi sbae?

3:5-7

  • Muʼyuk ta skʼanbe beiltasel Jeova ta sventa li kʼusi tspas ta xkuxlejale.

  • Jaʼ mas spatoj-o yoʼonton li kʼusi tsnop stuke xchiʼuk li kʼusi tsnopik yantike.

¿Kʼu yelan chakʼ ta ilel stalelal li buchʼu spatoj yoʼonton ta stojolal Jeovae?

  • Ta xchan li Vivliae, tsnopbe skʼoplal xchiʼuk tspas orasion sventa mas lek xil sba xchiʼuk li Jeovae.

  • Kʼalal oy kʼusi tsnop tspase, tskʼel baʼyel li beiltaseletik ta Vivlia sventa snaʼ kʼusi tsnop li Jeovae.

LI VOʼONE, ¿KʼUXI CHKʼOT TA NOPEL KUʼUN LI KʼUSI TA JPASE?

TA BAʼYELE jaʼ ta jpas li kʼusi mas lek chkile.

TA BAʼYELE ta jkʼanbe Jeova ti akʼo sbeiltasun ta stojolal orasion xchiʼuk kʼalal ta jchan li Vivlia ta jtuk noʼoxe.

TA TSʼAKALE ta jkʼanbe Jeova ti akʼo xakʼbe sbendision li kʼusi ta jnop ta jpase.

TA TSʼAKALE jaʼ ta jpas li kʼusi mu skontrain li beiltaseletik ta Vivliae.