Kʼelo li kʼusi yichʼoje

Batan ta saʼobil

 LI JKUXLEJALTIKE

Tojobkutik batel mas li ta cholmantale: Iktabo yakʼbel estudio li jun krixchano mi mu xchʼi ta mantale

Tojobkutik batel mas li ta cholmantale: Iktabo yakʼbel estudio li jun krixchano mi mu xchʼi ta mantale

¿KʼU YUʼUN TSOTS SKʼOPLAL? Sventa xkol li krixchanoetike skʼan xojtikinik li Jeovae (Ro 10:13, 14). Pe mu skotoluk tskʼan chchʼunbeik smantal Jeova li buchʼutik xchʼamojik junuk estudioe. Sventa lekuk jtunestik li jkʼakʼaltik ta cholmantale, skʼan jaʼ xkakʼ ta koʼontontik skoltael li buchʼutik ta melel tskʼan tsmuyubtaik li Jeovae xchiʼuk ti tskʼan tsjel li xkuxlejalike. Jaʼ yuʼun mi mu xchʼi ta mantal li buchʼu oy xa kʼuk sjalil chkakʼbetik estudioe, jaʼ mas lek ti xkiktatik yakʼbel estudio sventa jaʼuk xkakʼbetik yipal skoltael li buchʼu takbilik ta ikʼel yuʼun Jeova xchiʼuk li ta s-organisasione (Jn 6:44). Pe mi la sjel stalelal ta mas tsʼakal li buchʼu chkakʼbetik toʼox estudio xchiʼuk chakʼ ta ilel ti tskʼan tsta «li kuxlejal sbatel osile», xuʼ jchaʼlikesbetik li estudioe (Ech 13:48).

¿KʼUXI TA PASEL?

  • Kʼupil kʼoptao li avaj-estudio ti oy ta yoʼonton chchan li kʼusi melel ta Vivliae (1Ti 2:4).

  • Vulesbo ta sjol ti toj tsots skʼoplal ti xakʼ ta xkuxlejal li kʼusi yakal chchane (Lu 6:46-49).

  • Ta slekiluk avoʼonton jmoj xakʼelbeik skʼoplal li lokʼolkʼop ta sventa li jtsʼunolajele xchiʼuk tijbo yoʼonton ti akʼo skʼel kʼusitik chmakat-o sventa xchʼi ta mantale (Mt 13:18-23).

  • Ta slekiluk avoʼonton xavalbe ti kʼu yuʼun chavikta yakʼbel estudioe.

  • Albo ti chakʼopon batel ta telefono o ti chbat to avulaʼan bakʼintike xchiʼuk ti xuʼ to xlik avakʼbe estudio mi chakʼ ta xkuxlejal li kʼusi yakal chchane.

MI LA AKʼELIK LI VIDEOE, TAKʼIK LI SJAKʼOBILTAK LIʼE:

  • ¿Kʼusi yakal tsloʼiltaik ti jaʼ te chakʼ ta ilel ti muʼyuk chchʼi ta mantal li jun estudioe?

  • ¿Kʼusi la spas li jun jcholmantal sventa skolta li yaj-estudio ta yaʼibel smelolal ti skʼan xakʼ ta xkuxlejal li kʼusi yakal chchane?

  • ¿Kʼuxi laj yalbe smelolal li yaj-estudio ti xuʼ to xchaʼakʼbe estudio ta mas tsʼakale?