Kʼelo li kʼusi yichʼoje

Batan ta saʼobil

 KʼUSITIK KʼUPIL SBA TA VIVLIA | MATEO 25

«Vikʼiluk me asatik»

«Vikʼiluk me asatik»

25:1-12

Li lokʼolkʼop laj yal Jesus ta sventa li lajuneb tojol tsebetike, jaʼ skʼoplal li yajtsʼaklomtak ti tʼujbil chbatik ta vinajele, pe akʼo mi jech, ta me jtabetik sbalil ek li kʼusi la sloʼiltae (w15 15/3 paj. 12-16). «Vikʼiluk me asatik chaʼa, yuʼun mu xanabeik li skʼakʼalile xchiʼuk mi jaʼuk li yoraile» (Mt 25:13). ¿Mi xuʼ xavalbe smelolal li lokʼolkʼop laj yal Jesuse?

  • Li jnupunele (v. 1): Jesus.

  • Li tojol tsebetik ti pʼijik o ti chapalike (v. 2): Li buchʼutik chbatik ta vinajel ti lek chapalik sventa tukʼ spas li yabtel akʼbilike xchiʼuk ti jech-o chakʼ xojobalik jaʼ to mi vul li slajebal kʼusitike (Flp 2:15).

  • Xi laj yichʼ alele: «¡Liʼ xa me oy li jnupunel kereme!» (v. 6): Senyail ti liʼ xa ox oy li Jesuse.

  • Li tojol tsebetik ti bolike (v. 8): Li buchʼutik chbatik ta vinajel ti chlokʼ snupik ta be li jnupunele, pe ti muʼyuk vikʼil satik xchiʼuk ti muʼyuk tukʼ chakʼ sbaike.

  • Li tojol tsebetik ti pʼijike muʼyuk chakʼ li yaseiteike (v. 9): Kʼalal yichʼoj xa ox seyoalik li buchʼutik chbatik ta vinajel ti tukʼ laj yakʼ sbaike, maʼuk xa me yorail sventa skoltaik li buchʼutik muʼyuk tukʼ laj yakʼ sbaike.

  • «Vul li jnupunel kereme» (v. 10): Tal chapanvanuk li Jesuse xchiʼuk tal yakʼbe slajeb skotol li ta slajebal mukʼta tsatsal vokolile.

  • Li tojol tsebetik ti pʼijike koʼol ch-ochik batel xchiʼuk li jnupunele, vaʼun chichʼ makel li tiʼ nae (v. 10): Li Jesuse tstsob muyel ta vinajel li buchʼutik tʼujbilik ti tukʼ laj yakʼ sbaike, pe li buchʼutik muʼyuk tukʼ laj yakʼ sbaike muʼyuk tstaik li matanal taje.