Kʼelo li kʼusi yichʼoje

Batan ta saʼobil

 KʼUSITIK KʼUPIL SBA TA VIVLIA | JOB 1-5

Tukʼ laj yakʼ sba li Jobe akʼo mi laj yil epal prevaetik

Tukʼ laj yakʼ sba li Jobe akʼo mi laj yil epal prevaetik

Li Jobe naki ta Uz kʼalal jaʼo te toʼox oyik ta mosoil ta Ejipto li j-israeletike. Akʼo mi maʼuk j-israel vinik pe tukʼ yoʼonton yichʼoj ta mukʼ li Jeovae. Ep yalab xnichʼnab xchiʼuk jkʼulej tajek. Lek ojtikinbil, nabil skʼoplal ti toj pʼije xchiʼuk ti toj tukʼe. Toj lek yoʼonton ta stojolal li buchʼutik abol sbaike xchiʼuk li buchʼutik tskʼanik koltaele. Li Jobe toj tukʼ laj yakʼ sba.

Li Jobe laj yakʼ ta ilel ti jaʼ mas tsots skʼoplal ta xkuxlejal laj yaʼi li Jeovae

1:8-11, 22; 2:2-5

  • Li Diabloe laj yakʼ venta ti toj tukʼ yakʼoj sba li Jobe. Muʼyuk bu laj yal ti mu xchʼun mantale, moʼoj, yuʼun jaʼ la xchibal kʼoptabe li kʼusi oy ta yoʼonton kʼalal chchʼun mantale.

  • Li Satanase laj yal ti chtun ta stojolal Jeova li Jobe jaʼ noʼox ta skoj ti jaʼ tsaʼ li kʼusi tskʼan yoʼonton stuke.

  • Sventa stakʼ li kʼusi laj yal Satanase, li Jeovae laj yakʼ ti akʼo x-akʼat ta preva yuʼun Satanas li Jobe, jaʼ yuʼun ep ta tos vokolil laj yakʼbe.

  • Ta skoj ti tukʼ laj yakʼ sba li Jobe, li Satanase la xchibal kʼopta ti kʼu yuʼun chchʼunik mantal li krixchanoetike.

  • Li Jobe muʼyuk bu xchopol kʼopta xchiʼuk muʼyuk bu xakʼbe smulin Dios ta skoj li svokoltake.