Kʼalal jutuk xa ox skʼan li kʼin koltael ta sjabilal 32, li Jesuse la spas jun skʼelobil juʼelal ti jaʼ noʼox stuk te ta jtatik li ta xchanibal Evanjeliotike.

Li ta skʼelobil juʼelal taje, oy kʼusi laj yakʼ ta ilel ti jech-o tstunes li avie.

14:16-21

  • Li Jesuse laj yalbe yajtsʼaklomtak ti akʼo smakʼlinik li epal krixchanoetike, akʼo mi jaʼ noʼox oy yuʼunik voʼob pan xchiʼuk chaʼkot choy.

  • Li Jesuse la stsak li pan xchiʼuk li choye, vaʼun laj yakʼbe li yajtsʼaklomtak kʼalal spasoj xa ox orasione sventa xchʼakbeik li epal krixchanoetike.

  • Toj labal sba ti la sta sveʼel skotol li epal krixchanoetike. Li Jesuse ep buchʼutik la smakʼlin akʼo mi jayvoʼ noʼox li jmakʼlinvanejetike, jaʼ xkaltik li yajtsʼaklomtake.

  • Yaloj xa onoʼox Jesus ti oy buchʼu tstʼuj li ta slajebal kʼakʼal sventa xakʼ ta yorail noʼox li veʼlile (Mt 24:45).

  • Li ta sjabilal 1919, li Jesuse la stʼuj li «tukʼil xchiʼuk pʼijil mosoil», ti jaʼik li jtsop buchʼutik chbatik ta vinajele xchiʼuk jaʼ laj yakʼbe sbain li smosotake, jaʼ xkaltik li buchʼutik chichʼik li veʼlil ta mantale.

  • Kʼalal la stʼuj li jtsop buchʼutik chbatik ta vinajele, jaʼ jech yakal tspas-o kʼuchaʼal la slikes li ta baʼyel sigloe.

¿Kʼuxi chkakʼ ta ilel ti ta jchʼam xchiʼuk chkichʼ ta mukʼ li buchʼu la stʼuj Jesus sventa tsmakʼlin ta mantal li steklumale?