Kʼelo li kʼusi yichʼoje

Sventa xasut ta xchibal pajina

Batan ta saʼobil

Stestigotak Jeova

tsotsil

Programa xchiʼuk bu chijtsʼibaj  |  Fevrero ta 2018

 LI JKUXLEJALTIKE

«Ichʼo ta mukʼ atot ameʼ»

«Ichʼo ta mukʼ atot ameʼ»

Kʼalal ay ta balumil li Jesuse, la xchaʼal li jun mantal liʼe: «Ichʼo ta mukʼ atot ameʼ» (Éx 20:12; Mt 15:4). Tsots yoʼonton jech laj yal yuʼun li stuke laj onoʼox xchʼunbe smantal stot smeʼ kʼalal chex kerem toʼoxe (Lu 2:51). Kʼalal staoj xa ox svaʼleje, oy kʼusi la spas sventa oyuk-o kʼusi x-ayan yuʼun li smeʼ kʼalal mi cham li stuke (Jn 19:26, 27).

Li avi kʼakʼale, li yajtsʼaklomtak Kristo ti kerem tsebetik toe chakʼik ta ilel ti chichʼik ta mukʼ stot smeʼik kʼalal chchʼunbeik smantal xchiʼuk ti ta slekil yoʼonton tskʼoponike. Ti melel xkaltike, muʼyuk chlaj-o skʼoplal li mantal ti skʼan xkichʼtik ta mukʼ li jtot jmeʼtike, yuʼun akʼo mi mol meʼelik xa skʼan me jtsaktik-o ta venta li lekil tojobtaseletik chakʼbutike (Pr 23:22). Yan ti kʼu yelan xuʼ xkakʼtik ta ilel ti chkichʼtik ta mukʼ li jtot jmeʼtik kʼalal oy xa sjabilalike jaʼo kʼalal chkaʼibetik ti kʼu yelan chaʼi sbaike xchiʼuk ti chkakʼbetik stakʼinik kʼalal chtun yuʼunike (1Ti 5:8). Akʼo mi kerem tsebutik to o mi jtaoj xa jvaʼlejtik, jtos ti kʼu yelan mas lek xuʼ xkakʼtik ta ilel ti chkichʼtik ta mukʼ li jtot jmeʼtike jaʼo kʼalal nopolik noʼox ta jchiʼintik ta loʼile.

MI LAJ AKʼELIK LI LA PIZARRA ANIMADA: KʼUXI XUʼ XA CHIʼIN TA LOʼIL ATOT AMEʼ, TAKʼIK LI SJAKʼOBILTAK LIʼE:

  • ¿Kʼu van yuʼun vokol chavaʼi bakʼintik xchiʼinel ta loʼil li atot ameʼe?

  • ¿Kʼuxi xuʼ xavichʼ ta mukʼ atot ameʼ kʼalal chachiʼinan ta loʼile?

  • ¿Kʼu yuʼun oy sbalil ti chavakʼ persa xchiʼinel ta loʼil li atot ameʼe? (Pr 15:22).

    Mi chachiʼin ta loʼil li atot ameʼe xuʼ me jaʼ skoltaot sventa lek kʼusi xkʼot ta pasel li ta akuxlejale