Kʼelo li kʼusi yichʼoje

Batan ta saʼobil

 LI JKUXLEJALTIKE

«Li Pabloe, la stojbe ta vokol Dios xchiʼuk tsatsub-o yoʼonton»

«Li Pabloe, la stojbe ta vokol Dios xchiʼuk tsatsub-o yoʼonton»

Kʼalal laj yaʼi ermanoetik ta tsobobbail ta Roma ti ta be xa xtal li Pabloe oy junantik bat snupik ta be ti xanavik van 64 kilometroe. ¿Kʼu yelan laj yaʼi sba Pablo ta skoj ti lek kʼanbil yuʼun li ermanoetike? «Kʼalal la sta ta ilel ermanoetik li Pabloe, la stojbe ta vokol Dios xchiʼuk tsatsub-o yoʼonton» (Ech 28:15). Akʼo mi jaʼ tstsatsubtasbe yoʼonton tsobobbailetik li Pabloe, pe li avie jaʼ tskʼan patbel yoʼonton ta skoj ti tikʼil ta chukele (2Ko 13:10).

Li ta jkʼakʼaliltike, li jkʼelvanejetik ta sirkuitoe tsvulaʼanik li tsobobbailetik sventa stsatsubtasbeik yoʼonton li ermanoetike. Pe bakʼintike, lubemik, tsvul yoʼontonik o chibajem yoʼontonik jech kʼuchaʼal chkʼot ta jtojolaltik jkotoltike. ¿Kʼusi skʼan jpastik sventa jpatbetik yoʼonton li jkʼelvanej ta sirkuito xchiʼuk yajnil sventa «koʼoluk jtsatsubtasbe jba koʼontontik» kʼalal tsvulaʼanutike? (Ro 1:11, 12).

  • Jkolta jbatik li ta tsobajel chichʼ pasel sventa cholmantale. Li jkʼelvanej ta sirkuitoe chtijbat yoʼontonik kʼalal chilik ti chkakʼtik persa chijlokʼ ta cholmantal kʼalal jaʼo tsvulaʼanik li jtsobobbailtike (1Te 1:2, 3; 2:20). Kakʼtik persa xij-och ta prekursor auksiliar li ta yuilal kʼalal tsvulaʼan jtsobobbailtik li jkʼelvanej ta sirkuitoe. ¿Mi xuʼ jchiʼintik ta cholmantal li jkʼelvanej ta sirkuito o li yajnile o mi xuʼ van xbat xchiʼinutik ta yakʼel estudio? Mu xanop ti muʼyuk to jal avochel ta cholmantale o ti mu xatojob chavaʼie, li stukike oy tajek ta yoʼontonik ti xchiʼinik ta cholmantal skotol li jcholmantaletik ta atsobobbaile.

  • Oyuk slekil koʼontontik. ¿Mi xuʼ van xkakʼ jnatik sventa te xkomik o ti xkikʼtik ta veʼele? Mi jech ta jpastike, jaʼ me jech chkakʼtik ta ilel ti jkʼanojtike. Jech xtok, li stukike muʼyuk kʼusi mas tskʼanik (Lu 10:38-42).

  • Jchikintatik li tojobtaseletik chakʼbutike xchiʼuk kakʼ ta jkuxlejaltik. Li jkʼelvanej ta sirkuitoe ta slekil yoʼonton tskoltautik sventa xijtun lek ta stojolal li Jeovae. Xuʼ van tsots tstojobtasutik bakʼintik (1Ko 5:1-5). Mi ta jchʼuntik li mantale xchiʼuk mi bikʼit chkakʼ jbatike, ta muyubajel me tspas li yabtele (Evr 13:17).

  • Jtojtik ta vokol. Albo li jkʼelvanej ta sirkuito xchiʼuk yajnil ti la stsatsubtas avoʼonton li kʼusi spasojik ta atojolale. Xuʼ xavalbe o xuʼ xatsʼibabe batel ta jlikuk tarjeta (Kol 3:15).