Kʼelo li kʼusi yichʼoje

Batan ta saʼobil

 TOJOBKUTIK MAS TA SPASEL LI KABTELTIKE

Kampanya sventa li asamblea rejionale

Kampanya sventa li asamblea rejionale

Skotol jabiletik xijmuyubaj tajek ta sventa li veʼlil ta mantal ti ta jkʼupintik li ta asamblea rejionale. Ta skoj ti ta jkʼantik ti skʼupinik li slekil yoʼonton Jeova li krixchanoetike, chkakʼtik persa spukel ti bu kʼalal xuʼ kuʼuntike (Sl 34:8). Li moletik ta tsobobbaile, jaʼ chalik kʼu yelan lek ta pukel li vunetike.

LI KʼUSITIK SKʼAN XICHʼ TSAKEL TA VENTAE

  • ¿Bakʼin ch-echʼ li j-asamblea?

  • ¿Bakʼin chlik li kampanya ta jtsobobbaile?

  • ¿Bakʼin ta jtsob jbatik sventa li cholmantale?

  • ¿Kʼusi ta jkʼan ta jta li ta kampanyae?

  • ¿Buchʼutik van ta jtak ta ikʼel?

KAKʼTIK LI UNI VUN SVENTA TAKEL TA IKʼELE

Kʼalal mi laj xa ox jkʼopontik li yajval nae, xi xkalbetike:

«Yakal ta jpaskutik jun abtelal ta spʼejel Balumil yoʼ jtakutik ta ikʼel krixchanoetik ta jun tsobajel ti toj tsots skʼoplale. Liʼ chal bu ch-echʼe, kʼusi kʼakʼalil xchiʼuk ti jayib orae».

JCHʼIESBETIK TA YOʼONTON

Akʼo mi epal krixchanoetik ta jkʼan ta jtaktik ta ikʼel li ta asambleae, skʼan me jkʼeltik lek ti mi oy junuk krixchano ti lek chaʼi li mantale.

Li ta savado xchiʼuk domingoe xuʼ xkakʼtik li revista xchiʼuk li uni vun sventa takel ta ikʼele.