Kʼelo li kʼusi yichʼoje

Batan ta saʼobil

Tito 1:1-16

LI KʼUSITIK YICHʼOJE

  • Kʼopoj batel (1-4)

  • Te tsvaʼan moletik ta Kreta li Titoe (5-9)

  • La stukʼibtas jtoybailetik (10-16)

1  Voʼon Pabloun, smosoun Dios xchiʼuk yajtakbolun* Jesukristo. Li xchʼunel koʼonton xchiʼuk li kabtel ta jtakbole jaʼ jech kʼuchaʼal li xchʼunel yoʼontonik li buchʼutik tʼujbil yuʼun Diose xchiʼuk jech kʼuchaʼal li melel yojtikinele, jech kʼuchaʼal chal li yichʼel ta mukʼ Diose*  xchiʼuk ti oy lek snakleb spatobil yoʼontonik ta sventa li kuxlejal sbatel osil ti voʼne xa onoʼox yalojbe skʼoplal Dios ti mu snaʼ sjut kʼope,*  pe kʼalal kʼot yorail ti laj yakʼ ta ojtikinel skʼop ta skoj li cholmantal ti laj kichʼ kʼubanbele, jech kʼuchaʼal smantal li Jkoltavanej kuʼuntike, li Diose;  sventa Tito ti jaʼ melel nichʼonile ti jech xchʼunel yoʼonton jech kʼuchaʼal xchʼunel koʼontontike: Oyuk slekil yutsil oʼontonal* xchiʼuk jun oʼontonal ta atojolal ti jaʼ chakʼ li Dios ti jaʼ Totile xchiʼuk li Kristo* Jesus ti jaʼ Jkoltavanej kuʼuntike.  Laj kiktaot ta Kreta sventa xatukʼibtas li kʼusitik muʼyuk leke xchiʼuk sventa xavaʼan moletik* ta jujun jteklum jech kʼuchaʼal la jchanubtasote:  xuʼ xichʼ vaʼanel mi oy junuk vinik ti muʼyuk tikʼbil smule, mi jun noʼox yajnile, mi jchʼunolajeletik xnichʼnab xchiʼuk ti muʼyukuk pakʼtabilik ta skoj li kʼusi muʼyuk smelolale xchiʼuk ti maʼukuk jtoybailetike.  Skʼan muʼyukuk tikʼbil smul jech kʼuchaʼal jun smoso Dios li jun jkʼelvaneje,* ti maʼukuk jtoybaile, ti mu aniluk xa ch-iline, ti maʼukuk jyakubele, ti maʼukuk jpaskʼope, ti maʼukuk me ti tskʼan tajek tspas kanal takʼin ta loʼlavaneje,  moʼoj, skʼan lekuk xchʼamvan, skʼanojuk li kʼusi leke, oyuk lek xchʼulel, tukʼuk, oyuk stukʼil yoʼonton, snaʼuk spajesel sba,  skʼan lek snapʼan sba ta sventa li tukʼil kʼop* ta sventa ti kʼu yelan chchanubtasvane, sventa xuʼ lek spat oʼontonal li ta lekil chanubtasele xchiʼuk sventa xuʼ stukʼibtas li buchʼutik ta skontrainik li lekil chanubtaseletike. 10  Yuʼun oy ep viniketik ti jtoybailetike, ti muʼyuk sbalil li kʼusi chalike xchiʼuk jloʼlavanejetik, pe jaʼ mas to jechik li buchʼutik tsots skʼoplal chaʼiik li sirkunsisione.* 11  Skʼan makbel yeik li buchʼutik taje, yuʼun li viniketik taje yakal tslajesik sjunul utsʼ alaliletik, yakal-o chchanubtasvanik ta sventa li kʼusi mu jechuk ta pasel ta skoj ti tskʼan tspasik kanal takʼin ta loʼlavaneje. 12  Pe oy jun j-alkʼop yuʼunik ti xi laj yale: «Jutkʼopetik onoʼox li jkretaetike, jtiʼaval chonbolometik ti chakʼik vokolile, chʼajil krixchanoetik ti toj echʼ noʼox xveʼike». 13  Jaʼ melel li kʼusi laj yichʼ alele. Jaʼ yuʼun tsots xatukʼibtasvan-o batel yoʼ lekikuk-o ta sventa li xchʼunel yoʼontonike, 14  sventa mu xchikintaik li jecheʼ loʼil yuʼun judaetike* xchiʼuk li smantal viniketik ti tspʼajik li kʼusi melele. 15  Sak* chil skotol kʼusitik li buchʼutik sakike. Pe mi jsetʼuk oy kʼusi sak chil li buchʼutik ikʼik xchiʼuk li buchʼutik chʼabal xchʼunel yoʼontonike, yuʼun ikʼ snopbenik xchiʼuk ikʼ sjol yoʼontonik. 16  Chalik ta jamal ta stojolal krixchanoetik ti xojtikinik Diose, pe tspʼajik ta skoj li yabtelike, yuʼun ibal sbaik,* mu xchʼunik mantal xchiʼuk muʼyuk lek ilbilik sventa spasik jtosuk lekil abtelal.

Tsʼibetik ta yok vun

Kʼelo glosario.
Kʼelo glosario.
O: «snop kʼope»; «x-epal kʼopoje».
Kʼelo glosario.
Kʼelo glosario.
Kʼelo glosario.
Kʼelo glosario.
O: «li aʼyej ti jaʼ melele».
Kʼelo glosario.
Kʼelo glosario.
Kʼelo glosario.
Kʼelo glosario.