Kʼelo li kʼusi yichʼoje

Sventa xasut ta xchibal pajina

Batan ta saʼobil

Stestigotak Jeova

tsotsil

Vivlia ti oy ta Internete | TRADUCCIÓN DEL NUEVO MUNDO DE LAS SANTAS ESCRITURAS

2 Tesalonisenses 2:1-17

LI KʼUSITIK YICHʼOJE

  • Jpaschoplejal vinik (1-12)

  • Tukʼ me xavakʼ abaik (13-17)

2  Jaʼ yuʼun ermanoetik, ta sventa ti kʼalal liʼ xa oy* li Kajvaltik Jesukristoe xchiʼuk kʼalal mi laj kichʼtik tsobel ta stojolale, ta jkʼanbotkutik vokol  ti mu me ta aniluk noʼox xavakʼ abaik ta lilinel ta skoj ti kʼu yelan xanaʼ xarasonajike, ti mu me xavat tajek avoʼontonik* ta skoj li kʼusi akʼbil ta naʼele, mi jaʼuk ta skoj junuk loʼil, mi jaʼuk ta sventa jlikuk karta ti jaʼ xa kuʼunkutik yilel ti chalbe skʼoplal ti vulem xa li skʼakʼalil Jeovae.*  Mu me buchʼu sloʼla avoʼontonik jsetʼuk, yuʼun jaʼ to chtal mi talem xaʼox baʼyel li jvalopatinvanej* xchiʼuk mi laj xaʼox yichʼ akʼel ta ilel li jpaschoplejal vinike, li xnichʼon lajelale.  Li stuke chkontrainvan xchiʼuk xtoyet chaʼi sba ta stojolal skotol li kʼusitik ti dios chalbeike o skotol li kʼusitik chichʼ ichʼel ta mukʼe, jaʼ yuʼun chchoti ta stemplo* Dios xchiʼuk chalbe sba skʼoplal stuk ti jaʼ jun diose.  ¿Mi mu xvul ta ajolik ti jaʼ onoʼox jech chkalilanbe skʼoplal kʼalal te toʼox oyun ta atojolalik li kʼusitik taje?  Li avie anaʼojik xa li kʼusi chmakvane, sventa chichʼ akʼel ta ojtikinel mi sta yoraile.  Ta melel, li xchopolal ti mukul to skʼoplale yakal xa ch-abtej, pe jech-o tspas jaʼ to mi lokʼ xaʼox batel ta be li buchʼu yakal to chmakvane.  Vaʼun ta melel, chichʼ akʼel ta ojtikinel li jpaschoplejale, chichʼ lajesel ta yikʼal ye Kajvaltik xchiʼuk chichʼ akʼbel slajeb kʼalal mi vinaj ti liʼ xa oy li Kajvaltike.  Ta skoj yabteltak Satanas* chvinaj ti liʼ xa oy li jpaschoplejale, ta skʼelobiltak juʼelal,* ta senyailtak* xchiʼuk ta kʼusitik labalik sba ti naka jutbil kʼope,* 10  xchiʼuk ta skotol jecheʼ loʼlael ti muʼyuk stukʼil ta sventa li buchʼutik yakal chchamike, jaʼ chkʼot ta stojolalik ta skoj ti muʼyuk laj yakʼik ta ilel ti oy ta yoʼontonik li kʼusi melel ti jaʼ sventa chkolik-oe. 11  Jaʼ yuʼun laj yakʼ Dios ti akʼo xlajik ta loʼlael sventa xchʼunik li jutbil kʼope, 12  sventa xichʼik chapanel skotolik ta skoj ti muʼyuk bu la xchʼunik li kʼusi melele, yuʼun jaʼ lek laj yaʼiik li kʼusi muʼyuk tukʼe. 13  Akʼo mi jech, skotol ora oy ta jba chkaʼikutik stojbel ta vokol Dios ta atojolalik ermanoetik, voʼoxuk ti kʼanbiloxuk yuʼun Jeovae, yuʼun ta slikebal onoʼox la stʼujoxuk Dios ta sventa kolebal kʼalal la xchʼultajesoxuk ta xchʼul espiritu* xchiʼuk ta sventa ti oy xchʼunel avoʼontonik ta sventa li kʼusi melele. 14  La stakoxuk ta ikʼel sventa kolebal ta sventa li lekil aʼyejetik laj kalkutike yoʼ xuʼ xataik li smukʼulal Kajvaltik Jesukristoe. 15  Jaʼ jech taje ermanoetik, tukʼ me xavakʼ abaik xchiʼuk mu me xavikta abaik ta spasel li kʼusitik nopem onoʼox xavaʼiik spasel ti jech laj avichʼik chanubtasele, manchuk mi laj yichʼ alel o mi ta jkartakutik noʼox. 16  Jech xtok, li Kajvaltik Jesukristo xchiʼuk li Dios ti jaʼ Jtotik ti la skʼanutike, ti la spat koʼontontik sbatel osile xchiʼuk ti laj yakʼ spatobil koʼontontik ta sventa li slekil yutsil oʼontonale, 17  akʼo spat avoʼontonik xchiʼuk akʼo stsatsubtas avoʼontonik ta skoj ti lek skotol li kʼusi chapasike xchiʼuk ti lek kʼusi chavalike.

Tsʼibetik ta yok vun

Kʼelo glosario.
Kʼelo glosario.
Kʼelo glosario.
Kʼelo glosario.
Kʼelo glosario.
Kʼelo glosario.
Kʼelo glosario.
Kʼelo glosario.
O: «nopbil kʼope»; «epal kʼope».
Kʼelo glosario.