Kʼelo li kʼusi yichʼoje

Batan ta saʼobil

2 Korintios 9:1-15

LI KʼUSITIK YICHʼOJE

  • Li kʼusi tstij koʼontontik ta yakʼele (1-15)

    • Kʼanbil yuʼun Dios li buchʼu xkuxet noʼox yoʼonton chakʼe (7)

9  Pe ta sventa skoltael li buchʼutik chʼule, mu toj persauk chkil ti xkalboxuk ta jkartae,  yuʼun jnaʼoj ti oy tajek ta avoʼontonike, jaʼ yuʼun ximuyubaj* chkalbe akʼoplalik li jmasedoniaetike, yuʼun oy xa ta jun jabil ti chapalik xa lek li ta Akayae xchiʼuk jaʼ mas ep buchʼutik atijojbeik yoʼonton ti ta sjunul avoʼonton avakʼojbeik yipal ti chakoltaik li yantike.  Pe ta jtak batel li ermanoetike, sventa mu altikuk chkʼot ti ximuyubaj laj kalkutik akʼoplalike, yuʼun ta jkʼankutik ti akʼo jechuk lek chapaloxuk ta melel jech kʼuchaʼal laj kalkutike.  Yuʼun mi moʼoje, mi likʼotkutik xchiʼuk jmasedoniaetik xchiʼuk ti chʼayal avoʼontonik tstaoxuke, chikomkutik ta kʼexlal un bi ta skoj ti jpatoj tajek koʼontonkutik ta atojolalike, pe jech chataik kʼexlal ek.  Jech oxal la jtijbe yoʼonton li ermanoetik ti baʼyel akʼo xbat skʼeloxuke xchiʼuk ti baʼyel xichʼ chapanel li matanal albil xa skʼoplale, sventa jechuk chapal xa kʼuchaʼal matanal ta slekil oʼontonal, maʼukuk ti persa kʼanbile.  Jech kʼuchaʼal liʼe, li buchʼu jutuk noʼox tstsʼune jutuk noʼox tstsobbe sat xtok; yan li buchʼu ep tstsʼune ep tstsobbe sat xtok.  Ta jujuntal akʼik ti kʼu yelan chlokʼ ta avoʼontonike, mu me xchibetuk avoʼonton xavakʼik o mu me sujbiluk chavaʼi abaik, yuʼun kʼanbil yuʼun Dios li buchʼu xkuxet noʼox yoʼonton chakʼe.  Jech xtok, xuʼ yuʼun Dios ti akʼo epajuk ta atojolalik li slekil yutsil yoʼontone, vaʼun oy-o me avuʼunik li kʼusi chtun avuʼunike xchiʼuk ep me kʼusi x-ayan avuʼunik xtok ta sventa skotol li lekil abtelale.  (Jech kʼuchaʼal xi tsʼibabile: «Mu pʼisbiluk noʼox ti kʼu yelan la xchʼake, laj yakʼbe li povreetike, te oy-o sbatel osil li tukʼilal yuʼune». 10  Jech, li Buchʼu ep tajek chakʼbe bekʼ tsʼunobil li jtsʼunolajele xchiʼuk ti chakʼbe pan* slajese, chakʼboxuk xchiʼuk tspʼolesboxuk li bekʼ tsʼunobil sventa xatsʼunolajike, jech xtok tskoltaoxuk sventa ep kʼusi lek chkʼot ta pasel ta skoj ti tukʼ li kʼusitik chapasike.) 11  Ep tajek laj yakʼboxuk bendision Dios sventa x-epaj li kʼusi chavakʼike, vaʼun li krixchanoetike tstojbeik ta vokol Dios ta skoj li matanal chavakʼik ti chkakʼbekutik yantike; 12  yuʼun ti kʼu yelan chichʼ pasel li abtelal liʼe maʼuk noʼox sventa chichʼ akʼbel li kʼusitik chtun yuʼun li buchʼutik chʼule, yuʼun jaʼ sventa oyuk ep krixchanoetik stojbeik ta vokol Dios li abtelal chichʼ pasel liʼe. 13  Tsmuyubtaik Dios li stukike, yuʼun li koltael chavakʼike jaʼ te chvinaj ti chachʼunik li kʼusi jamal chavalik sventa li lekil aʼyejetik ta sventa li Kristoe; 14  ti jech tskʼanbeik vokol Dios ta atojolalike jaʼ jech chakʼik ta ilel ti skʼanojoxuk ta skoj ti toj echʼ xa noʼox li slekil yutsil yoʼonton Dios oy ta atojolalike. 15  Jaʼuk akʼo yichʼ tojbel ta vokol Dios ta skoj ti mu xa noʼox xlaj ta alel li matanal muʼyuk tojbil chakʼe.

Tsʼibetik ta yok vun

O: «pʼij koʼn»; «nichim koʼonton».
Kʼelo glosario.