Kʼelo li kʼusi yichʼoje

Sventa xasut ta xchibal pajina

Batan ta saʼobil

Stestigotak Jeova

tsotsil

Vivlia ti oy ta Internete | TRADUCCIÓN DEL NUEVO MUNDO DE LAS SANTAS ESCRITURAS

2 Juan 1:1-13

LI KʼUSITIK YICHʼOJE

  • Kʼopoj batel (1-3)

  • Xanavanik-o batel ta stojolal li kʼusi melele (4-6)

  • Kʼelo me abaik ta stojolal li jloʼlavanejetike (7-11)

    • Mu me xakʼoponik jsetʼuk (10, 11)

  • Chbat jkʼeloxuk xchiʼuk chabanukoxuk (12, 13)

 Voʼon li molune,* ta sventa li tʼujbil ants* xchiʼuk li yalabe, ti jaʼik li buchʼutik jkʼanojan ta melele, maʼuk noʼox voʼon, jaʼ jech kʼanbilik yuʼun skotol ek li buchʼutik laj xa yojtikinik li kʼusi melele,  taje jaʼ ta skoj li kʼusi melel ti te oy-o ta jtojolalkutike, ti te oy-o ta jtojolalkutik sbatel osile.  Ta jtatik slekil yutsil oʼontonal,* kʼuxubinel xchiʼuk jun oʼontonal ti jaʼ chakʼ li Dios ti jaʼ Totile xchiʼuk ti jaʼ chakʼ li Jesukristo ti jaʼ li Xnichʼon Totile, te jmoj oy xchiʼuk li kʼusi melele xchiʼuk li kʼanelale.  Xkuxet tajek koʼonton,* yuʼun laj kaʼi ti oy jayvoʼuk avalab ti jech-o yakal chanavik batel ta stojolal li kʼusi melele, jech kʼuchaʼal laj yalbutik mantal li Totile.  Jech oxal xi ta jkʼanbot vokol avie ants, ti akʼo jkʼan jbatik ta jujuntale. (Maʼuk jun achʼ mantal li kʼusi ta jtsʼibabot tale, jaʼ onoʼox li mantal laj kichʼtik ta slikebale.)  Liʼe jaʼ smelolal ti kʼanvanemutike: ti akʼo jech jpastik-o batel ti kʼu yelan chal li smantaltake. Liʼe jaʼ li mantal jech onoʼox kʼuchaʼal laj avaʼiik ta slikebale: ti skʼan jech-o xavakʼik ta ilel ti kʼanvanemoxuke.  Yuʼun ep jloʼlavanej lokʼik talel li ta balumile, jaʼik krixchanoetik ti muʼyuk jamal chalbeik skʼoplal li Jesukristo ti ay kʼuchaʼal krixchanoe. Taje jaʼ li jloʼlavaneje xchiʼuk li yajkontra Kristoe.*  Kʼelo me abaik lek li voʼoxuke, sventa mu xchʼay avuʼunik li kʼusitik la jtatik ti tsots laj kakʼbetik yipale, moʼoj, yuʼun skʼan lek tsʼakal xataik li matanale.  Muʼyuk me lek ch-ilat yuʼun Dios skotol li buchʼu chchʼak sba echʼele xchiʼuk mi mu jechuk-o tspas ti kʼu yelan chanubtasvan li Kristoe.* Pe lek me ch-ilat yuʼun Totil xchiʼuk Nichʼonil li buchʼu jech-o tspas kʼuchaʼal li chanubtasel taje. 10  Mi oy buchʼu chbat skʼeloxuk xchiʼuk ti mu jechuk chchanubtasvan kʼuchaʼal taje, mu me xachʼam ta anaik xchiʼuk mu me xakʼoponik jsetʼuk. 11  Yuʼun mi oy buchʼu tskʼopon jutebuke, xkoʼolaj me kʼuchaʼal yakal xa tspas ek li kʼusi toj chopol tspase. 12  Akʼo mi ep tajek kʼusi ta jkʼan chkalboxuk, pe mu jkʼan jtsʼiba ta vun xchiʼuk ta tinta, yuʼun jpatoj koʼonton chbat jkʼeloxuk sventa jkʼelojbe jba jsatik chijloʼilaj yoʼ jech xamuyubajikuk tajek. 13  Chabanukot la chalik li yalab avix ti jaʼ li buchʼu tʼujbile.

Tsʼibetik ta yok vun

Kʼelo glosario.
Taje xuʼ van jaʼ junuk ants ta melel o xuʼ van jaʼ junuk stsobobbail yajtsʼaklomtak Kristo li ta baʼyel sigloe.
Kʼelo glosario.
O: «Echʼem pʼij koʼn»; «Nichim noʼox koʼonton».
«Antikristo» ta griego. Kʼelo glosario.
Kʼelo glosario.