Kʼelo li kʼusi yichʼoje

Sventa xasut ta xchibal pajina

Stestigotak Jeova

tsotsil

¿Kʼu yuʼun muʼyuk ta xichʼik chʼichʼ?

¿Kʼu yuʼun muʼyuk ta xichʼik chʼichʼ?

Jecheʼ loʼiletik xchiʼuk kʼusitik melel

Jecheʼ loʼil: Li stestigotak Jeovae muʼyuk tsaʼik poxtael, yuʼun muʼyuk tstunesik jtosuk poxiletik.

Li kʼusi melele: Li stestigounkutik Jeovae chkakʼkutik persa saʼel lekil poxtaeletik. Kʼalal chi-ipajkutike —o junuk kutsʼ kalalkutik— o mi persa skʼan junuk operasione, ta jsaʼkutik doktoretik ti xtojobik spasel operasion ti muʼyuk tstunesik chʼichʼe. Ta jtojkutik tajek ta vokol ti ep xa kʼusitik pasbil ta sventa taje. Jech xtok, ti kʼu yelan chichʼik poxtael li stestigotak Jeova ti muʼyuk chichʼik chʼichʼe, jech xa chichʼik poxtael yan krixchanoetik ta yantik lum ek. Ta epal lumetik li avie, xuʼ stʼuj stukik mi chchʼamik chʼichʼ o mi moʼoj li buchʼutik ipike, sventa mu xil svokolik ta skoj li yichʼel chʼichʼe, yuʼun xuʼ te staik chamel o ti mu xchʼam chʼichʼ li sbekʼtalik akʼo mi koʼol kʼuchaʼal li xchʼichʼelike o ta skoj ti muʼyuk chakʼik venta li doktoretik ti mu xkoʼolaj li xchʼichʼelike.

Jecheʼ loʼil: Li stestigotak Jeovae chpoxtavanik ta xchʼunel oʼontonal.

Li kʼusi melele: Li voʼonkutike mu bakʼinuk xipoxtavankutik ta xchʼunel oʼontonal.

Jecheʼ loʼil: Li jeltos poxtaeletik ti yichʼoj chʼichʼe toj toyol stojol.

Li kʼusi melele: Li poxtaeletik ti muʼyuk yichʼoj chʼichʼe mas onoʼox yalel stojol. *

Jecheʼ loʼil: Ta skoj ti muʼyuk ta xichʼik chʼichʼe ep stestigotak Jeova chchamik jujun jabil, ti te tsakal skʼoplal ololetike.

Li kʼusi melele: Li kʼusi chalik taje chʼabal sprevailtak. Li doktoretik avie tspasik operasion ti bu toj tsotsike —jech kʼuchaʼal sventa jbakiltik, koʼontontik xchiʼuk tsjelik li kʼusi oy ta yut jbekʼtaltike— pe muʼyuk bu tstunesik chʼichʼ. * Li buchʼutik muʼyuk chchʼamik chʼichʼe koʼol chkolik xchiʼuk li buchʼutik chchʼamik chʼichʼe, pe bakʼintike mas anil chkolik li buchʼutik muʼyuk la xchʼamike, jaʼ jech chkʼot ta stojolalik li ololetik eke. * Akʼo mi jech, mi junuk onoʼox buchʼu xuʼ snaʼ mi ta xcham li buchʼu muʼyuk ta xchʼam chʼichʼe xchiʼuk ti jaʼ chkol li buchʼu chchʼame.

¿Kʼu yuʼun muʼyuk ta xichʼik chʼichʼ li stestigotak Jeovae?

Jaʼ ta skoj li kʼusi jchʼunojkutik ta jrelijionkutike, maʼuk li poxtaeletike. Yuʼun li ta Pokoʼ xchiʼuk li ta Achʼ Testamentoe chal ti mu stakʼ tiʼel li chʼichʼe (Génesis 9:4; Levítico 17:10; Deuteronomio 12:23; Hechos 15:28, 29). Jech xtok, li Diose jaʼ ta xchʼichʼel kuxulik chil li kʼusitik kuxajtike (Levítico 17:14). Jaʼ yuʼun li stestigounkutik Jeovae ta jchʼunkutik li mantaletik ta Vivlia ta sventa ti mu stakʼ xkichʼkutik chʼichʼ ta skoj ti kichʼojkutik ta mukʼ li Diose, ti jaʼ yakʼoj li jkuxlejaltike.

Li kʼusi xa tsnopik li avie

Li avie xuʼ xichʼ pasel operasion ti toj tsotse, akʼo mi muʼyuk chichʼ tunesel chʼichʼ

Laj toʼox snopik doktoretik ti xiʼel xichamkutik o ti ta la jmil jba kaʼikutik mi muʼyuk la jchʼamkutik chʼichʼe. Pe jelem xa tal li jabiletik avie. Li ta 2004 laj yichʼ lokʼesel ta jlik revista sventa poxiletik, jvokʼ li ta revista taje xi chale: «Li kʼusitik nopbil ta sventa kʼutik yelan chichʼ poxtael li stestigotak Jeovae jaʼ xa jech chichʼ poxtael skotol krixchanoetik li jabiletik chtale». * Li ta 2010, li livro Medicina transfusional sbie laj yal ti koliyal ti kʼutik xa yelan chichʼ poxtael li krixchanoetike «xuʼ xa la xichʼ pasel li “operasion ti chʼabal chichʼ tunesel chʼichʼe”, jech kʼuchaʼal chichʼ pasel li yan operasionetik ti mu masuk tsotsike».

Ta smilal xa noʼox doktoretik ta spʼejel Balumil muʼyuk tstunesik chʼichʼ, yuʼun oy kʼusi tstunesik sventa mu epuk xmal yuʼunik chʼichʼ kʼalal tspasik jun operasion ti toj tsotse. Li kʼusi tstunesik sventa mu epuk xmal yuʼunik li chʼichʼe ta buyuk xa noʼox oy akʼo mi toj abol sbaik li ta lum bu oyike, epal krixchanoetik tskʼanik poxtael jech, akʼo mi maʼuk stestigotak Jeova.

^ par. 8 Medicina transfusional, pajina 14; Transfusion and Apheresis Science, volumen 33, numero 3, pajina 349.

^ par. 10 Revista Española de Cardiología, volumen 59, numero 5, pajina 507 kʼalal ta 509; Acta Médica Colombiana, volumen 26, numero 5, pajina 261; The Journal of Thoracic and Cardiovascular Surgery, volumen 134, numero 2, pajina 287 xchiʼuk 288; Texas Heart Institute Journal, volumen 38, numero 5, pajina 563; Basics of Blood Management, pajina 2; Continuing Education in Anaesthesia, Critical Care & Pain, volumen 4, numero 2, pajina 39.Revista Española de Cardiología, volumen 59, numero 5, pajina 507 kʼalal ta 509; Acta Médica Colombiana, volumen 26, numero 5, pajina 261; The Journal of Thoracic and Cardiovascular Surgery, volumen 134, numero 2, pajina 287 xchiʼuk 288; Texas Heart Institute Journal, volumen 38, numero 5, pajina 563; Basics of Blood Management, pajina 2; Continuing Education in Anaesthesia, Critical Care & Pain, volumen 4, numero 2, pajina 39.

^ par. 10 Revista de la Federación Argentina de Cardiología, volumen 34, numero 3, pajina 407 xchiʼuk 408; Revista Española de Cardiología, volumen 60, numero 7, pajina 727 kʼalal ta 731.

^ par. 14 Continuing Education in Anaesthesia, Critical Care & Pain, volumen 4, numero 2, pajina 39.