Kʼelo li kʼusi yichʼoje

Sventa xasut ta xchibal pajina

Stestigotak Jeova

tsotsil

¿Kʼusi jaʼ li Jtsop Jbeiltasvanej yuʼun stestigotak Jeovae?

¿Kʼusi jaʼ li Jtsop Jbeiltasvanej yuʼun stestigotak Jeovae?

Li Jtsop Jbeiltasvaneje jaʼik jayvoʼ yajtsʼaklomtak Kristo ti lek yijik ta mantale xchiʼuk ti tsbeiltasik li stestigotak Jeova ta spʼejel Balumile. Chaʼtos li yabtelike, jaʼ liʼe:

Li Jtsop Jbeiltasvaneje jaʼ chchanbeik ti kʼu yelan la spasik li «jtakboletik xchiʼuk moletik» ta Jerusalen ta baʼyel siglo ti oy kʼusitik kʼot ta nopel yuʼunik ti te tsakal skʼoplal sjunul stsobobbailike (Echos 15:2). Li Jtsop Jbeiltasvaneje jechik kʼuchaʼal li viniketik ti tukʼ laj yakʼ sbaik ta baʼyel sigloe, yuʼun maʼuk jbeiltasvanejetik li ta j-organisasionkutike. Tsaʼik beiltasel ta Vivlia xchiʼuk snaʼojik ti Jeovae svaʼanoj jech kʼuchaʼal jolil ta stojolal tsobobbail li Kristoe (1 Korintios 11:3; Efesios 5:23).

¿Buchʼutik chtunik li ta Jtsop Jbeiltasvaneje?

Li ta enero ta 2015, te chtunik ta Jtsop Jbeiltasvanej Samuel Herd, Geoffrey Jackson, Stephen Lett, Gerrit Lösch, Anthony Morris III, Mark Sanderson, xchiʼuk David Splane. Skotolik te ch-abtejik ta Betel ta Brooklyn (Nueva York, Estados Unidos).

¿Kʼu yelan ch-abtejik li Jtsop Jbeiltasvaneje?

Li Jtsop Jbeiltasvaneje svaʼanoj vakib komite ti sbainojik skʼelel li abtelale. Ta jujuntal li buchʼutik chtunik ta Jtsop Jbeiltasvaneje ch-abtejik ta jun o ta chib li ta komiteetik taje.

  • Komite yuʼun Jbabeetik. Li buchʼutik te ch-abtejike oy ta sbaik skʼelel li kʼusitik skʼan chapanbel lek skʼoplale xchiʼuk jaʼ oy ta sbaik skʼelel kʼalal oy kʼusi tsots chkʼot ta pasele, kʼalal oy bu tstaik nutsel ta skoj li kʼusitik jchʼunojkutike xchiʼuk kʼalal tsnuptanik yan vokoliletik li stestigotak Jeovae.

  • Komite sventa Jtuneletik. Jaʼ oy ta sbaik skʼelel li kʼusitik sventa li buchʼutik chtunik ta Betele.

  • Komite sventa Vunetik. Jaʼ oy ta sbaik spasel vunetik ti lokʼem sloʼilal ta Vivliae, stakel batel xchiʼuk oy ta sbaik skʼelel xtok li svaʼanel kʼusitik chtun sventa yichʼobil ta mukʼ Diose, svaʼanel ti butik tsjelubtasik kʼopetike xchiʼuk li Beteletike.

  • Komite sventa Cholmantal. Jaʼ oy ta sbaik skʼelel li xcholbel skʼoplal li ‹lekil aʼyejetik ta sventa li Ajvalilale› (Mateo 24:14).

  • Komite sventa Chanubtasel. Jaʼ oy ta sba li kʼusitik chichʼ akʼel ta chanel ta tsobajeletike, ta chanob vunetike xchiʼuk li spasel gravar xchiʼuk li spasel videoetike.

  • Komite sventa Stsʼibael vunetik. Jaʼ oy ta sbaik ti xichʼ chapanel li veʼlil ta mantal ta vun o ta Internete xchiʼuk tskʼelik li abtelal ta sjelubtasel ta yan kʼop li vunetike.

    Pe taje maʼuk noʼox ta spasik li Jtsop Jbeiltasvaneje, yuʼun tstsob sbaik jujun xemana xtok sventa tskʼelik li kʼusitik chtun yuʼun li organisasione. Chchanik kʼusi chal Vivlia kʼalal tstsob sbaike xchiʼuk chakʼ sbaik ta beiltasel yuʼun li xchʼul espiritu Diose, vaʼun chakʼik persa sventa jmojuk kʼusi xkʼot ta nopel yuʼunik (Echos 15:25).

¿Buchʼutik tskoltaik li Jtsop Jbeiltasvaneje?

Jaʼik yajtsʼaklomtak Kristo ti tukʼ yakʼoj sbaike, ti xtojobike xchiʼuk ti ep xa kʼusi xchanojike, vaʼun jaʼ tskoltaik li Komiteetik yuʼun Jtsop Jbeiltasvaneje (1 Korintios 4:2). Li jkoltavanejetik taje chkʼotik jujun xemana ek li ta tsobajeletike. Muʼyuk kʼusi tsnop stukik, pe xuʼ xal sloʼilik xchiʼuk xuʼ xalik kʼusitik jtunelik sventa li kʼusi tskʼelbeik skʼoplale, jech xtok tspasik li kʼusi chkʼot ta nopel yuʼun li Komiteetike xchiʼuk tskʼelik ti kʼusi kʼotem ta pasel yuʼune. Oy xtakatik batel yuʼun Jtsop Jbeiltasvanej ta svulaʼanel yan stestigotak Jeova ta spʼejel Balumil o ch-albatik ti tsjelubtasik mantal li ta tsobajeletik tspasik jujun jabile xchiʼuk li ta tsobajel sventa Chanob vun ta Galaade o yantik.

SBIIK LI JKOLTAVANEJETIKE

Komite

Biiletik

Yuʼun Jbabeetik

  • John Ekrann

  • Robert Wallen

 

Sventa Jtuneletik

  • Daniel Molchan

  • Gerald Grizzle

  • Patrick LaFranca

  • Ralph Walls

 

Sventa Vunetik

  • Alex Reinmueller

  • David Sinclair

  • Don Adams

  • Donald Gordon

  • Harold Corkern

  • Robert Butler

  • Robert Luccioni

 

Sventa Cholmantal

  • Baltasar Perla Jr.

  • Christopher Mavor

  • Gary Breaux

  • Joel Dellinger

  • Leon Weaver Jr.

  • Robert Wallen

  • Seth Hyatt

  • William Turner Jr.

 

Sventa Chanubtasel

  • David Schafer

  • Kenneth Flodin

  • Mark Noumair

  • Ronald Curzan

  • William Malenfant

 

Sventa Stsʼibael vunetik

  • Gene Smalley

  • Izak Marais

  • James Mantz

  • John Wischuk

  • Robert Ciranko