Kʼelo li kʼusi yichʼoje

Li stestigotak Jeova ta Hungriae lek albat skʼoplalik ta skoj ti koltavanike

Li stestigotak Jeova ta Hungriae lek albat skʼoplalik ta skoj ti koltavanike

Laj yakʼ tsatsal voʼ li ta Europa central ta junio ta 2013, muʼyuk jech ilbil-o ti kʼu yelan nojem ta voʼ kome. Li kʼu snatil smakoj batel Hungría li ukʼum Danubioe toj echʼ noʼox noj ti muʼyuk bu jech ilbil-oe.

Ta skoj ti kʼusi kʼot ta pasele li Ministerio de Recursos Humanos tee la skʼanbe li Betel yuʼun stestigotak Jeova ta Hungría ti akʼo skolta sbaik li ta abtel laj yichʼ chapanel sventa mu masuk xil svokol li jteklume. Jaʼ yuʼun li Betele la skʼanbe li tsobobbailetik ti bu kʼalal ch-echʼ li ukʼum Danubio ti akʼo skolta sbaik li ta abtelal ti la xchapanik li j-abteletik yuʼun ajvalile.

Toj labal sba ti kʼu yelan la skolta sbaik li tsobobbailetike. Mas ta 900 stestigotak Jeova ti likemik ta 72 tsobobbailetike ep kʼakʼaletik la skolta sbaik sventa mu xlokʼ batel yok li ukʼume. Albatik ti akʼo sjokʼan batel sgafeteik ti teuk tsakal sbiike, sbi slumalik xchiʼuk li biil «stestigotak Jeovae».

Ta jun jteklume, xi laj yal jun j-abtel yuʼun li Cruz Roja ta Hungría ta sventa jun tsobobbaile: «Xataik-o tojbel ta vokol xchiʼuk ti xa-ichʼatik ta mukʼe. Yuʼun muʼyuk buchʼu yan jech kilojkutik ti lek jmoj tsobolike xchiʼuk ti oy ta yoʼon chkoltavanik ta abtel kʼuchaʼal voʼoxuke. Jech xtok epoxuk ti nom bu likemoxuk tale. Jaʼ yuʼun, chkalbe yantik ti lek ta chanel atalelalike».

Jun presidente yuʼun li organisasion sventa li buchʼutik tsots chil svokolik ta skoj nikel, nojelal ta voʼ o yan kʼusitike ti ch-abtej ta stojolal li ajvalil ta Hungriae, la stak batel jun karta ta Betel ti bu chal ti tstoj tajek ta vokol ti koltavanik ta abtel li stestigotak Jeovae.