Kʼelo li kʼusi yichʼoje

Li stestigotak Jeovae chchanubtasik totil meʼiletik sventa mu xlaj ta ilbajinel li yalab xnichʼnabike

Li stestigotak Jeovae chchanubtasik totil meʼiletik sventa mu xlaj ta ilbajinel li yalab xnichʼnabike

Jamal ch-albatik yuʼun Vivlia li totil meʼiletik ti jaʼ jun matanal yakʼoj Dios li yalab xnichʼnabike. Jaʼ yuʼun, skʼan xkʼuxubinik, sbeiltasik xchiʼuk xchabiik (Salmo 127:3; Proverbios 1:8; Efesios 6:1-4). Jtos vokolil ti toj xibal sba tsnuptan li ololetike jaʼ ti xichʼik ilbajinele, jech oxal skʼan xchan kʼuxi chchabi yalab xnichʼnabik li totil meʼiletike.

Oy xa ta sjaylajunebal jabil tspasik xchiʼuk tspukik vunetik xchiʼuk yan kʼusitik ti chalbe skʼoplal mantal li stestigotak Jeova sventa tskoltaik ti xmuyubajikuk noʼox li utsʼ alaliletike. Xchanubtasojik totil meʼiletik sventa skolta yalab xnichʼnabik yoʼ mu xlajik ta ilbajinel yuʼun li jtsakvanejetike. Jech xtok, chchanubtasik ololetik xchiʼuk jchʼiel kerem tsebetik sventa snaʼ kʼusi tspasik kʼalal oy bu jech tsnuptanike. Liʼ chcholbeik skʼoplal vunetik ti spasojik li stestigotak Jeovae, oy videoetik xchiʼuk yan kʼusitik ti tskoltautik sventa jnaʼ kʼuxi ta jchabi jbatike. Kʼelavil kʼu to yepal kʼusitik oy sventa tskoltautik xchiʼuk ti lokʼem ta jeltos kʼopetike. *

Jaʼ jech-o chchanubtasik totil meʼiletik li stestigotak Jeova sventa mu xlajik ta ilbajinel yuʼun jtsakvanejetik li yalab xnichʼnabike.

^ par. 3 Jaʼ ti kʼusi ora lokʼ ta español li vunetike.