Kʼelo li kʼusi yichʼoje

¡SAʼIK JUN OʼONTONAL!

Asamblea yuʼun stestigotak Jeova ta 2022

Ta jtijkutik avoʼontonik sventa xakʼelik li asamblea ta oxib kʼakʼal yuʼun stestigotak Jeova li jabil liʼe.

Ta skoj li chamel coronaviruse te chichʼ akʼel ta jw.org li asambleae. Ta jujutuchʼ chichʼ muyesel li ta yuilal julio xchiʼuk agostoe.

Muʼyuk tojbil chij-och. Muʼyuk chichʼ kʼanel takʼin te.

Kʼelo li asambleae

Viernes. Akʼo avil venta kʼuxi xuʼ skoltautik li kʼanelal sventa junuk noʼox koʼontontik xchiʼuk ti lekuk xkil jbatik xchiʼuk li yantike. Jech xtok, te chavil kʼuxi xuʼ skolta nupultsʼakal, totil meʼil xchiʼuk alab nichʼnabiletik li beiltaseletik ta Vivlia ti xkoʼolaj ta «jun be ti chakʼ jun oʼontonal li ta kutsʼ kalaltike».

Savado. ¿Mi xuʼ van jun koʼonton xijkuxi akʼo mi oy chamel, povreal ta tak’in, nikel, nojelal ta voʼ o yan kʼusitik? Kʼelo jun video ti tspat oʼontonal ta sventa kʼusi tspasik li krixchanoetik sventa junuk noʼox yoʼontonike.

Domingo. ¿Mi xuʼ xkamigointik li Diose? ¿Mi ta jech noʼox van te ch-ayan ti lek xkil jbatik xchiʼuk Diose o mi oy kʼusi skʼan jpastik sventa xkamigointike? Li stakʼobiltak liʼe te chkaʼitik li ta jun mantal ti xi sbie: «¿Kʼuxi xuʼ xavamigoin li Diose?».

Te chata li programa xchiʼuk jun video sventa asamblea.

Yaleso li invitasion liʼe.

 
K'elo li asamblea rejionale