Jat chipaam

Ir al menú secundario

Titzuʼ naq kʼola chipaam

Testigos de Jehová

tzʼutujil

Tnimaaj Dios y nawiʼl na jun kʼaslemaal majoʼn nkʼis ta

 TIJOXIK 8

¿Naq rmaal xkoma Jesús?

¿Naq rmaal xkoma Jesús?

Jesús xkoma rmaal che nuqukʼseʼa (Juan 3:16)

Taq xqʼaxa oxiʼ qʼiij che komnaq Jesús, ikʼola juleʼ ixoqiiʼ xibʼa chuchi juʼl bʼaar muqun waʼ per majoʼn chik xiklaaʼ ta, ¿naq rmaal? Rmaal che ja Jehová xukʼes pa chi kekjol kamnaqiiʼ.

Jesús xukʼut na riiʼ chkiwach rixbʼiil.

Jehová xukʼas to Jesús. Xuyaʼ jun ruchʼakuul ajni rixiin ángel, chqaa xuyaʼ nim chojqʼa cheʼ kʼin majoʼn tikom chik. Jeʼee rudicípulo xkitzʼet Jesús taq xujteʼa chi kaaj.

 Dios xukʼas to Jesús kʼin xoʼksaaj Rey chpaam Ruqʼatbʼal Tziij (Apocalipsis [Revelación] 11:15)

Jesús xuyaʼ rukʼaslemaal tzra xiruloqʼ konjilaal winaq chpaam iil mak (Mateo 20:28). Rmaal kʼaara, ja Dios nikwina ntzujuj jun kʼaslemaal je majoʼn nkʼis ta.

Jehová xuchaʼ Jesús che noʼka rey rixiin chwach Rwach-uleew. Per majoʼn ruyoon ta nubʼan gobernar, nkikʼjeʼa rukʼin 144.000 winaqiiʼ je ninimana rixiin. Taq xkikʼastaj nkibʼa na rukʼin chi kaaj. ¿Naq kʼa ja Ruqʼatbʼal Tziij Dios? Jaraʼ rugobierno Jesús kʼin jeʼee 144.000 winaqiiʼ (Apocalipsis [Revelación] 14:1-3).

Jawra Qʼatbʼal Tziij rixiin Dios nchumiij na rwach Ruwach-uleew nubʼan kʼa cheʼ ajni jun jardín. Majoʼn chik natzuʼ ta chʼooj, kumsaneel kʼin mibʼiil (o mebʼaʼiil). Konjilaal winaq nikikot na (2 Pedro 3:13).