Jat chipaam

Ir al menú secundario

Titzuʼ naq kʼola chipaam

Testigos de Jehová

tzʼutujil

Tnimaaj Dios y nawiʼl na jun kʼaslemaal majoʼn nkʼis ta

 TIJOXIK 11

¿Noqorkʼaxaaj Jehová?

¿Noqorkʼaxaaj Jehová?

Ja Ajaaw nkʼaxaaj taq noqotzijona rukʼin (1 Pedro 3:12)

Jehová noqorkʼaxaaj taq noqtzijona rukʼin (Hechos 10:31). Jaʼ nrajoʼ che ajoj nqachol cheʼ naq kʼola pa qanmoʼ.

Jehová nkʼutuuj chqa che nqabʼan orar xaruyoon jaʼ.

 Noqokwina nqachol kʼiy chpaam oración (1 Juan 5:14)

Qakʼutuuj cheʼ Ajaaw nubʼan naq nrajoʼ ranmoʼ waweʼ chwach Rwach-uleew ajni nbʼana chi kaaj.

Qabʼna orar pa rubʼii Jesús. Cheʼ jawra nqakʼut waʼ che nqameltiʼoxiij naq xubʼan jaʼ pa qakweent.

Qakʼutuuj cheʼ Jehová nuqrutoʼ che nqabʼan utzil. Chqaa noqkowina niqkʼutuuj tzriij way, samaaj, tzyaq, qowoochooch, kʼin nuyaʼ jun qachʼakuul chʼajchʼoj.