Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Ochan ta banti te bintik yichʼoje

sTestigotak te Jehová

tseltal

Te página jw.org ayix kʼaxem ta 300 ta chajp kʼopil

Te página jw.org ayix kʼaxem ta 300 ta chajp kʼopil

Te kʼalal ya yichʼ akʼbeyel clic ta jun lista te banti ya yal «Idioma del sitio» te ya xchiknaj ta página ini, ya xjuʼ ta ilel kʼaxem ta 300 ta chajp kʼopil, jaʼ-abi wokol ta tael ta yantik página yuʼun Internet.

Manchukme ay yantik página yuʼun Internet te ay yichʼoj bayal yantik kʼopile, jaʼukmeto maʼyuk jich bayal yichʼoj te bitʼil página jw.org. Akʼa kiltik chaʼoxchajpuk. Ta julio yuʼun 2013 te página Internet yuʼun te Naciones Unidas ay ta wakchajp kʼopil, te página yuʼun te Unión Europea ay 24 ta chajp kʼopil yichʼoj. Ay paginaetik yuʼun te Google te ay ta 71 ta chajp kʼopil, ta Wikipedia ay 287 ta chajp kʼopiletik yuʼun ta Internet.

Te skʼasesel 300 ta chajp kʼopil ta Internet yichʼoj bayal hora aʼtelil. Ta swenta-abi bayal cien ta tul testigoetik yuʼun Jehová ta swolol Balumilal yakik ta tulan aʼtel ta swenta yalbeyel yutsilal te Diose. Te información te ay ta paginae yichʼoj tsʼibayel ta kʼopil inglés, jich yuʼun ta swenta te jujun chajp kʼopile ay jtsojb te machʼatik pʼijubtesbilik ta lek te maba ya yichʼik tojel swenta jaʼ ya skʼasesik ta yanyantik kʼopil.

Te página jw.org ay bayal paginaetik yuʼun te yichʼoj kʼasesel kʼaxem ta 300 ta chajp kʼopil. Te jayeb ta spisil te paginaetike kʼaxem ta 200,000 jaʼ-abi ya yakʼ ta ilel te kʼax bayale.

Jich bitʼil te bayal paginaetik ta Internet, jaʼukmeto te banti bayal machʼatik ya x-ochik tey-ae jaʼ ta jw.org. Jaʼ-abi ya xjuʼ ta ilel ta lista te ya spas te empresa Alexa te jaʼ ya stsob te datos yuʼun Internet te banti bayal ya x-ochik te ants winiketike. Te banti ya yal «Religión y espiritualidad» ya xchiknaj ta ilel kʼaxem ta 87,000 paginaetik te tey ajtaybil-euk-a te mukʼul relijionetik, jaʼnix jich te machʼatik ayik ta yantik organización sok te machʼatik ya spasik libroetik ta swenta relijion. Te banti la yichʼix albeyel skʼoplale, te jw.org jaʼ kʼot ta schebal lugar ta yuilal julio yuʼun 2013. Te página te ay ta sbabial lugar te bayal machʼatik ya x-ochik tey-ae jaʼ te banti ya xjuʼ ta ilel Bibliaetik te kʼasesbilik ta yanyantik kʼopil.

Ta yuilal octubre yuʼun 2013 ta jujun kʼajkʼal kʼaxem ta 890,000 ta tul ants winiketik ochik ta página jw.org te la stuuntesik biluk aparato yuʼunik. Te bin ya skʼan koʼtankotike jaʼ te ya kakʼtikxan ta naʼel te bin ya yal te Biblia te maba ya stojik te machʼatik ya yulaʼtayik te página kuʼunkotike.

Naʼbeyaxan skʼoplal

¿Bin utʼil ya yichʼ tsʼibayel sok kʼasesel ta yan kʼopil te junetik lokʼem ta Bibliae?

Ya jlokʼeskotik junetik lokʼem ta Biblia te kʼaxemto ta seiscientos ta chajp kʼopiletik. ¿Bin yuʼun te ya jpastik tulan ta spasel te mukʼul aʼtelil ini?