Ochan ta banti te bintik yichʼoje

Ochan ta banti bintik jujunchajp yichʼoje

sTestigotak te Jehová

tseltal

Jun biblioteca ta celular o ta yantik aparatoetik

Jun biblioteca ta celular o ta yantik aparatoetik

Ta 7 yuʼun octubre ta 2013 te stestigotak te Jehová la yakʼik ta stojol ants winiketik jun aplicación ta inglés ta swenta skʼoponel sok ta snopel te Biblia ta celular, tabletas o yantik aparatoetik. JW Library jich sbiil te aplicación la yichʼix alele, maba tojbil ta kʼalal ya yichʼ pasel descargar sok ay yichʼoj wakpajk Bibliaetik ta inglés tey ay-a te King James Version (Versión del Rey Jacobo) soknix te Traducción del Nuevo Mundo de las Santas Escrituras te la yichʼix xchaʼilel ta lek ta yaʼbilal 2013. *

¿Bin yuʼun te la yichʼ pasel te aplicación ini?

Bayal millón ta tul ants winiketik ya stuuntesik te celular, tabletas sok yantik aparatoetik ta swenta te yaʼtelike, swenta ya xkʼopojik-a sok te bintik ya skʼan ya snaʼbeyik skʼoplale. Swenta ya yichʼik koltayel te ants winiketik-abi, te stestigotak te Jehová ay yakʼojikix ta jw.org bayal ta chajp te bintik ya xtuun ta swenta snopel te Bibliae. Jich yuʼun, ¿bin yuʼun la spasik te JW Library?

Ta sbabial, te kʼalal ya yichʼ pasel descargar te aplicación ini ma puersauk ya skʼan Internet. Ta schebal, la yichʼ pasel swenta ya yichʼ leel versiculoetik yuʼun Biblia ta oranax sok ta snopel ta skʼubulil te Bibliae. Akʼa kiltik te bintik lek yichʼoje.

Ya xtuun ta swenta snopel te Bibliae

Te kʼalal sbabialtonax buelta ya yichʼ jamel te JW Library yame xchiknaj te libroetik yuʼun te Bibliae. Teme la yichʼ tsael junuke yame xchiknaj te capituloetik yuʼun te libro-abi. Jichme ya xjuʼ ta tael jun versículo o jmajkʼ versiculoetik yuʼun Biblia ta jtsʼinax. Jaʼnix jich te aplicación ini bayal bintik yichʼoj te ya xtuun bayal ta swenta snopel te Bibliae, jichik bitʼil ini:

  • Ay yichʼoj notaetik ta yeʼtal te página swenta ya yakʼ ta naʼel te bin-utʼil ta alel ta yantik kʼop te bin la yichʼix alale sok yantikxan datos te tulan skʼoplale

  • Ya x-ikʼawan bael ta yantik textoetik yuʼun Biblia te snitojbey sba skʼoplal soke

  • Ay jun parte yuʼun te programa ini te ya xjuʼ sle jpʼal kʼopil o jmajkʼ kʼopiletik

  • Ta jujunchajp te libro yuʼun te Biblia ay yichʼoj jun cuadro ta sjajchibal te banti ya scholbey skʼoplal te libroe

  • Ay yichʼoj jun tabla te banti ya scholbey skʼoplal te machʼa la stsʼibay te jujunchajp libro yuʼun te Bibliae, te bin-ora sok te banti la yichʼ tsʼibayel soknix te jayeb jaʼbil la yichʼ pasele

  • Ay yichʼoj mapaetik, tablaetik, yilojibal ajtal sok lokʼombaetik te bontiklanbile

Jichnix te bitʼil yantik junetik yuʼun te stestigotak te Jehová, te JW Library maba ya yichʼ tojel te kʼalal ya yichʼ pasel descargar. Te aplicación ini jaʼ la yichʼ tuuntesel te takʼin yuʼun te machʼatik jich yipal lokʼ ta yoʼtanik yakʼele, sok ay yichʼojix pasel descargar kʼaxem ta jun millón (2 Corintios 9:7). ¿Bin yuʼun ma xa apas descargar te biblioteca teme mato apasojuke swenta ya atuuntes ta lek?

^ párr. 2 Ta enero yuʼun 2014 la yichʼ achʼubtesel te aplicación ini, la yichʼ akʼel jun texto yuʼun Biblia ta swenta jujun kʼajkʼal te yichʼoj scholbeyel skʼoplale sok te sjunal kʼayojil te ya stuuntesik te stestigotak te Jehová.

Naʼbeyaxan skʼoplal

NOJPTESEL YUʼUN BIBLIA

¿Bin yuʼun ya skʼan ya jnoptik te Bibliae?

Te Biblia skoltayoj bayal millón ta jtul ants winiketik ta snaʼbeyel sujtib te jojkʼoyeletik te tulanik skʼoplale. ¿Yabal akʼan ya anaʼbey te sujtib euke?