Ochan ta banti te bintik yichʼoje

Ochan ta banti bintik jujunchajp yichʼoje

sTestigotak te Jehová

tseltal

Te La Atalaya te maba tulan ta naʼbeyel swentaile

Te La Atalaya te maba tulan ta naʼbeyel swentaile

Te yan tal jaʼbile, te La Atalaya ta inglés te ya yichʼ nopel ta kongregasione, jajch ta lokʼesel yan te maba tulan ta naʼbeyel swentaile, jaʼ-abi jun jaʼbil la yichʼ pasel prueba. Te sbabial revistae lokʼ ta julio yuʼun 2011. Ta ora ini maba ya yichʼix pasbeyel prueba, la yichʼ tael ta nopel te yananix yichʼ pasel imprimir spisil-ora.

Te sbabial La Atalaya te maba tulan ta naʼbeyel swentail te ya xlokʼ ta enero yuʼun 2013, yame xkaj ta lokʼel-euk ta español, francés sok ta portugués.

Te bin swentail te kaj ta lokʼesel te La Atalaya te maba tulan ta snaʼbeyel swentaile, jaʼ ta swentaik te machʼatik ya xbajtʼik ta tsoblej ta kongregasionetik yuʼun inglés te manix jaʼuk skʼopik-a te inglese.

Jaʼto tal te kʼalal lokʼ te sbabial revistae, kaj stikunik tal bayal kartaetik ta swenta yalel wokol. Ta Liberia jtul ants te Rebecca sbiil te ayix 64 yaʼbilal te maʼyuk bin-ora och ta eskuelae, la stikun tal jun skarta. Jich la yal: «Yakon ta snopel skʼoponel te june. Kʼaxto ya jmulan te La Atalaya te maba tulan ta naʼbeyel swentaile, melel ta ora ini ya xkʼotix ta koʼtan te bin ya yale».

Te La Atalaya te maba tulan ta naʼbeyel swentail bayal ta tul meʼil tatiletik jaʼ yakik ta stuuntesel ta schajpanel sba sok te yal snichʼnabik ta swenta te tsoblej yuʼun Snopel La Atalaya, jaʼ jun tsoblej te ya spasik te stestigotak Jehová.

Te Rosemary, te yak ta schʼitesel oxtul yil-alatak jich la stsʼibay ta skarta: «Ta spisil-ora tulan kaʼiyojtik snopel te La Atalaya. Ta jtsʼinitsʼin ya jtuuntestik-a te diccionario ta sleel te bin ya skʼan ya yal chaʼoxpʼal kʼopetik. Ay jaʼ tey ya xbajtʼxan koʼtantik-a te snaʼbeyel swentail te kʼopetike, jich ma xkʼot ta yoʼtanik-a te tut achʼixetik te bin-nix ya yakʼ ta nopel-a te articulo yuʼun te revistae. Ta ora ini jaʼ ya kakʼbeytik bayal tiempo ta sleel te textoetik ta Biblia sok ta yilel te bin-utʼil snitojbey sba skʼoplal sok te bin yak ta nopele».