Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Ochan ta banti te bintik yichʼoje

sTestigotak te Jehová

tseltal

Te stestigotak Jehová ora ya xlekubik te kʼalal ya yichʼik poxtayele

Te stestigotak Jehová ora ya xlekubik te kʼalal ya yichʼik poxtayele

TA AUSTRALIA. «Ay jchameletik te ayik ta hospital te jaʼik Testigoetik yuʼun Jehová te maba ya yichʼik chʼichʼ ta swenta te schʼuunel yoʼtanik, ora ya xlekubik stukel te bitʼil yantik jchameletike», jich la yal te periodiko The Sydney Morning Herald te lokʼ ta 2 yuʼun octubre 2012.

La yalbey skʼoplal ta swenta te jpʼijubteswanej yuʼun poxiletik James Isbister, ta eskuela yuʼun poxiletik ta Sydney (Universidad de Sydney), te periodiko jich la yal: «Te jpʼijubteswanej yuʼun poxiletik Isbister la yal ta swenta te bitʼil ya yichʼik poxtayel te stestigotak Jehová ta swenta doktoretik te ma la stuuntesik chʼichʼe, jaʼ lekxan. Wokolyal ta swenta-abi, jaʼ bayalxan te machʼatik maba lajik ta swenta te chamele sok jtebnax tiempo ayinik ta hospital, soknix maba jkʼaxel la yichʼik kanantayel yuʼun doktoretik te bitʼil yantik te la yichʼik chʼichʼ ta jun operasione».

Ma jaʼuknax te bintik la yalbey skʼoplal te doktor Isbister. Te kʼalal la yichʼ albeyel skʼoplal te Testigoetik te la yichʼik operasion yuʼun oʼtanil, te revista Archives of Internal Medicine te lokʼ ta 13 yuʼun agosto 2012 jich la yal: «Maba chujkʼulaj te operasion yuʼun te Testigoetike soknix jtebnax tiempo jilik ta hospital te bitʼil yantik te la yichʼik chʼichʼe».