Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Ochan ta banti te bintik yichʼoje

sTestigotak te Jehová

tseltal

Fotoetik yuʼun Filipinas 1 (Febrero 2014 kʼalal ta mayo 2015)

Fotoetik yuʼun Filipinas 1 (Febrero 2014 kʼalal ta mayo 2015)

Te stestigotak Jehová yakik ta spasel sok ta yachʼubtesel chaʼoxwol mukʼul naetik ta Betel yuʼun Filipinas, ta Quezón City. Te junetik te lokʼemik ta Biblia te ya xtuun tey ta nasion-abi ya yichʼ pasel imprimir ta Betel yuʼun Japón. Jaʼ yuʼun, te mukʼul na te banti ayin te imprenta la yichʼix pasel ta lek yuʼun tey ya x-ayin te Departamento Local de Diseño y Construcción (LDC) sok te departamentoetik yuʼun Computación, Mantenimiento, Envíos sok Skʼasesel kʼop. Te fotoetik ini ya yakʼ ta ilel oliluk te aʼtelil pasbilix tal ta febrero 2014 kʼalal ta mayo 2015 ta pocoʼ imprenta sok ta yantikxan mukʼul naetik. Chapbil skʼoplal te ya xjuʼ ta pasel te aʼtelil ini ta octubre yuʼun 2016.

Slokʼombail te bin-utʼil ya xjil te Betel yuʼun Filipinas. Te mukʼul naetik te yak ta pasel o ta achʼubtesel jaʼik ini:

  • Mukʼul na 4 (Wayibal naetik)

  • Mukʼul na 5 (Departamento yuʼun Servicio sok Audio Video)

  • Mukʼul na 6 (Departamento yuʼun stsʼunel nichim, Soldadura sok taller yuʼun karroetik)

  • Mukʼul na 7 (Departamentoetik yuʼun Computación, Mantenimiento, Envíos sok Skʼasesel kʼop sok LDC)

28 yuʼun febrero 2014 (Mukʼul na 7)

J-aʼteletik te junchebnax kʼajkʼal talemik yakik ta yakʼel ta bolsa yuʼun plastiko te aislante yuʼun fibra de vidrio yuʼun jich ma x-ajchʼ-a. Ya stuuntesik kʼuʼul pakʼetik sok bintik ya smak sbaik-a yuʼun jich ma x-utsʼinotik yuʼun te material ini.

2 yuʼun abril 2014 (Mukʼul na 7)

Juʼix ta pasel te ba na te banti ya x-ayin te snail grabasion yuʼun te junetik ta kʼopil seña filipino. Te banti jutajtik ta ilel ta ba nae teyme ya x-och-a te bintik ya xtuun ta swenta calefacción sok aire acondicionado yuʼun jich leknax skʼixnal o sikil te yutil te nae.

21 yuʼun octubre 2014 (Skʼinalul te banti ya yichʼ pasel te aʼtelil ta Quezón City)

Ya sjokʼik lum yuʼun tey ya yotsesik-a te makina yuʼun ya sikubtes jaʼ yuʼun jich ya xkʼot jaʼ ta spisil te mukʼul naetike.

19 yuʼun diciembre 2014 (Puente te banti ya xkʼaxik te ya stsʼak sba sok te mukʼul naetik 1, 5 sok 7)

Te puente te banti ya xkʼaxike makal ya xjil sok ya stsʼak sba sok te yantik mukʼul naetik soknix te mukʼul na 1 te banti ay te weʼibal nae. Te puentee ya xtuun yuʼunik ta lek te trescientos ta tul j-aʼteletik te ya x-aʼtejik ta mukʼul na 7.

15 yuʼun enero 2015 (Mukʼul na 5)

Jkojt grua te yichʼoj 50 tonelada ya slik moel placa yuʼun te stejail nae. Te j-aʼteletik ta yantik empresa te teynix ay slumalike, ya stijik te gruaetik te biluk yilel smukʼule.

15 yuʼun enero 2015 (Mukʼul na 5A, stsʼakoj sba sok yan na)

Te plataforma ini yichʼoj cheb piso sok 125 metros cuadrados sjamlejal yichʼoj cheb baño, cheʼoxeb eskalera sok jun elevador. Te bitʼil ay bañoetik sok eskaleraetik ta banti te na stsʼakoj sbaike, jich jamalxan yutil ya xjil te mukʼul na 5, te aynax ta xujke. Jich bitʼil te ya yichʼ otsesel te elevador liʼ ta plataforma ini, jich ma x-utsʼinotik yuʼun te skʼop te kʼalal ya yichʼ pasel grabasion yuʼun audio sok video ta banti te mukʼul na 5.

15 yuʼun enero 2015 (Mukʼul na 5A, stsʼakoj sba sok yan na)

Te j-aʼteletike smakoj sbaik yuʼun te kʼajkʼal ta yotsesel bariya pasbil ta hierro. Te skʼuxul te kʼajkʼale ya xkʼot ta 29 grados centígrados ta oliltik bael yuʼun enero, ta abril ya xkʼot ta 34 grados centígrados.

5 yuʼun marzo 2015 (Mukʼul na 5)

Jtsojb j-aʼteletik ya yakʼbeyik yiptajib te armazón sok tsʼamteʼetik te banti ya x-och stejaul te nae. Ta mukʼul na 5 la yichʼ tuuntesel jteb ma sta ochocientos ta lejch tablaetik.

17 yuʼun marzo 2015 (Mukʼul na 5)

Te j-aʼteletik ya swotsʼik semento yuʼun concreto. Te machʼatik ya xkoltaywanik ta aʼtelil ini ay kʼaxem ta cien voluntarioetik te talemik ta yantik nasionetik jich bitʼil Australia, Canadá, Corea del Sur, España, Estados Unidos, Francia, Japón sok Nueva Zelanda.

25 yuʼun marzo 2015 (Mukʼul na 5)

Yakik ta yotsesel spojtsil te sba te mukʼul na 5 ta lamina takʼin, te banti ayin te Departamento yuʼun skʼasesel kʼop. Te mukʼul na ini yak ta achʼubtesel yuʼun tey ya x-och-a te departamento yuʼun Servicio sok te Audio Video.

13 yuʼun mayo 2015 (Mukʼul na 5)

Jtul j-aʼtel ants ya stuuntes jun sierra te sepelnax yuʼun ya setʼ jujunmajkʼ takʼin te banti ya yichʼ latsel te spajkʼul te ofisinaetike.

Naʼbeyaxan skʼoplal

¿Bintik ya yichʼ pasel ta Betel?

Tseʼelme koʼtantik yuʼun te jayeb machʼatik ya skʼan ya xtalik ta yilel te Betel. ¡Yame kikʼex te yakuk achapik te ya xtalexe!