Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Ochan ta banti te bintik yichʼoje

sTestigotak te Jehová

tseltal

Te bitʼil yak ta bael te aʼtelil ta Wallkill sok ta Warwick

Te bitʼil yak ta bael te aʼtelil ta Wallkill sok ta Warwick

Ta ora ini, te stestigotak Jehová yakik ta spasel cheb mukʼul aʼtelil yuʼun spasel naetik ta Nueva York (Estados Unidos). Wokolyal te bayal j-aʼteletik te talemik ta yantik nasion te ma tojbilike, ta junax yak ta juʼel yuʼunik te aʼtele.

Wallkill (Nueva York): Te jtsojb mukʼul naetik ini, jaʼ te banti ya yichʼ pasel imprimir te junetik te lokʼemik ta Biblia te jaʼ yuʼunik te stestigotak Jehová sok ay 1,600 ta tul ants winiketik nainemik tey-a. Tey-abi yakik ta spasel mukʼul naetik yuʼun ofisina, wayibal naetik te yichʼoj oxeb piso sok banti ya skojtan skarroik, jaʼ ini ya xkʼot ta pasel ta swenta te koltayel ya yakʼik te bayal ta tul te machʼatik maba ya yichʼik tojele. Ta 2012 juʼ ta pasel te mukʼul na te banti ya x-ayin te aʼtejibaletik ta swenta biluk aʼtelil sok la yichʼ mukʼubtesel te weʼibal na yuʼun ya xjuʼ ya x-ochikxan 200 ta tul ants winiketik.

Te stestigotak te Jehová ay bayal sucursal yuʼunik ta yantik nasionetik, jich bitʼil ta Alemania, Brasil sok ta México. Ta Estados Unidos, tey ta Nueva York jaʼnix jich ay ofisina yuʼunik te stestigotak Jehová ta Brooklyn sok ay snail pʼijubtesel ta Patterson. Kʼalal ya xjuʼ te aʼtelil yuʼun smukʼubtesel te Wallkill, jaʼme ya xkʼot ta mukʼul jtsojb naetik te yichʼoj pasel yuʼun te stestigotak Jehová ta swolol balumilal.

Warwick, (Nueva York): Liʼ ini ya yichʼ pasel te yachʼil mukʼul naetik banti ya yichʼ ilel te aʼtelil yuʼun te stestigotak Jehová ta swolol balumilal. La yichʼix jinel te mukʼul naetik te ayik tey ta kʼinale. Sok la yichʼ manel jsejp kʼinal ta Tuxedo te ay ta 10 kilometro (6 millas) snamalil te banti ya yichʼ kʼejel te makinaetik sok yantikxan aʼtejibal. Te j-aʼtel patanetik la yakʼikix permiso ta swenta te bin la yichʼik kʼanbeyel yuʼun te jayebto ya xjuʼ ya stsʼiʼlaj te bintik ay ta balumilale. Kʼalal ya yichʼ akʼel te permiso yuʼun te plano banti ya yichʼ pasel te aʼtelile, ya yichʼ kʼanel yan permiso yuʼun ya yichʼ pasel te mukʼul naetik-abi. Jich bitʼil te yakto ta pasel-abi, yato yichʼ ilel te aʼtelil yuʼun Testigoetik ta swolol balumilal tey ta Brooklyn.