Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Ochan ta banti te bintik yichʼoje

sTestigotak te Jehová

tseltal

La yichʼ pukbeyel skʼoplal ta swolol Balumilal te pajina JW.ORG

La yichʼ pukbeyel skʼoplal ta swolol Balumilal te pajina JW.ORG

Ta yuilal agosto yuʼun 2014 te stestigotak te Jehová la spukik ta swolol Balumilal jun tratado te ya yalbey skʼoplal te pajina jw.org. Te bin lek lokʼ-ae, jaʼ te bitʼil toyxan moel (20%) te machʼatik ochik ta pajina te u-abi, te yajtalule kʼot ta 65 millón ta tul ants winiketik. Ta swolol Balumilal jteb ma sta 10,000 ta tul ants winiketik la skʼanik nojptesel yuʼun Biblia te maba tojbile, ¡kʼot ta (67%) te bitʼil yan tal u-e! Te kʼalal jich la yichʼ pasel-abi, bayal koltayel la staik te ants winiketik te bayuk nainemike.

Koltayel ta swenta te machʼatik ya slebeyik sujtib te jojkʼoyeletik te tulanik skʼoplale

Jtul Testigo ants ta Canadá la spatbey yoʼtan jtul ants te jaʼ sbiil Madeline te ayik ta elevador, la yakʼbey yil te tratado te yak ta pukel-ae, ¿Banti ya jtabeytik sujtib te jojkʼoyeletik te tulanik skʼoplale? Te Madeline la yal te lalaj skʼopon Dios ta stiʼ sventana te yan tal ajkʼabal-ae swenta yakuk xkoltayot yuʼun ta stabeyel sujtib te jojkʼoyeletik-abi. Te Madeline aylaj skʼanojix ta yantik iglesiaetik te yakuk xnojptesot ta swenta te Bibliae, maʼyuk junuk iglesia te sutbot te skʼope. Maʼyuk bayal kʼajkʼal ta patil jajch ta snopel te Biblia sok te stestigotak te Jehovae.

Koltayel ta swenta te machʼatik ma snaʼbeyik lek skʼoplal ta swenta te Bibliae

Ta Filipinas, te Rowena la skʼopon jtul winik te jaʼ stsʼumbal chino tekʼel ta stsʼeel jun restaurante te banti ya yichʼ pasel weʼelil ta oranaxe. La yakʼbey te tratado sok la scholbey yaʼiy te bitʼil te stestigotak te Jehová ya skʼan ya skoltayik te ants winiketik ta snopel te Biblia te maba tojbil swenta ya staik slekilal yuʼun.

Te winike la yal te maʼyuk bin ora yiloj junuk Biblia. Ta swenta te bitʼil kʼopojike, jaʼ tijbot yoʼtan yuʼun swenta jich bajtʼ ta jun mukʼul tsoblej yuʼun te stestigotak te Jehovae. Patil la yal te ya skʼan ya snaʼbeyxan lek skʼoplal ta swenta te Bibliae sok la yal te yalaj spas descargar ta pajina kuʼunkotik.

Koltayel ta swenta te jkojkʼchikinetik

Te Guillermo jaʼ jtul testigo yuʼun Jehová ta España te jkojkʼchikine, la schaʼyil sba sok te Jorge te jaʼ jtul sjoy ta nopjun ta namey te jaʼnix jich jkojkʼchikin-euke. Te Jorge la yal te mato ayuk bayal tiempo slajel te smeʼe ta swenta-abi aylaj bayal jojkʼoyeletik yuʼun. Te Guillermo la yakʼbey te tratado te yak ta pukel-ae sok la scholbey yaʼiy te ya xjuʼ ya staxan información ta jw.org ta kʼopil seña swenta ya stabey sujtib te jojkʼoyeletik yuʼune. Jaʼnix jich la yalbey te yakuk xkʼot ta tsobleje. Te Jorge kʼot-a te tsobleje, jaʼto-abi maʼyuk schʼayoj junuk te tsobleje manchukme ayniwan 60 kilometro snajtʼil yiloj sba sok te sNail Tsoblej te banti ay te snae.

Koltayel ta swenta te lugaretik te namal aye

Chaʼtul testigoetik yuʼun Jehová ta Groenlandia te nujpunemike jaʼnix la stoj te spasajeik te beenik wakeb hora ta tut barco swenta yulaʼtayel jpam lum te ay 280 ta tul yajwale. La scholik skʼop Dios te banti lugar-abi, la spukik tratadoetik sok la yakʼik ta ilel jun video ta jw.org ta kʼopil groenlandés. Sok kaj yakʼbeyik snop skʼop Dios jtul winik sok te yinam te la snaʼbeyik sba tey-ae. Ta ora ini ay cheb buelta ta semana ya snopik skʼop Dios ta teléfono.

Maba jaʼnax la spasik bayal puersa te machʼatik ayik ta norte. Te stestigotak te Jehová ta Nicaragua la spukbeyik tratadoetik-euk te ants winiketik te ya xkʼopojik ta Mayangna te nainemik ta selva yuʼun Caribe. Te kʼalal beenemikix tab hora ta jun autobus te antiguoix ta jun carretera te banti bayal lomajtike, beenikxan bulucheb hora ta beetik te banti ay bayal ajchʼal yuʼun jich kʼotik tey ta lumetik-abi. Tey la spukik tratadoetik-a sok la yakʼik ta ilel videoetik ta kʼopil Mayangna. Jaʼ-abi chajpnax la yilik-a te yajwal te lume bayal akʼbotik sbujtsʼ yoʼtanik yuʼun.

Te Estela la yakʼbey jun tratado jtul winik te yak ta kʼaxel bael ta tut lum ta selva yuʼun Amazonas te ay ta Brasil. Te winike la stsak te tratadoe, jaʼnax yuʼun te la schʼik ta bolsa jich la yakʼ ta ilel te maʼyuk lek skʼoplal ta yoʼtane. Te kʼalal yakix ta sujtel bael ta sna-ae, tsʼiʼlaj te motor yuʼun te barco te yak ta beel-ae jich kotol jilel ta mukʼul jaʼ. Te kʼalal yak ta smaliyel-a te koltayele, te winik-abi jajch skʼopon te tratadoe. La stuuntes te selular yuʼun och ta jw.org te banti la skʼopon cheʼoxebuk artikulo sok la spas descargar cheʼoxebuk videoetik. Cheʼoxeb kʼajkʼal ta patil te winik-abi la snaʼbey sba te smamlal te Estelae, la yalbey te akʼa yalbey wokol yuʼun te tratado akʼbot yuʼune. Jich la yal te winike: «Te artikuloetik la jkʼopon te kʼalal kotol jilel ta mukʼul jaʼ te barcoe la yakʼbon bayal slamalil kʼinal kaʼiy. Te jnichʼnabe bayal ya smulanik yilel te video yuʼun Caleb. Maba ya kijkʼitay ta yilel te jw.org».

Naʼbeyaxan skʼoplal

¿Bin yuʼun ya skʼan ya jnoptik te Bibliae?

Te Biblia skoltayoj bayal millón ta jtul ants winiketik ta snaʼbeyel sujtib te jojkʼoyeletik te tulanik skʼoplale. ¿Yabal akʼan ya anaʼbey te sujtib euke?