Ochan ta banti te bintik yichʼoje

Ochan ta banti bintik jujunchajp yichʼoje

sTestigotak te Jehová

tseltal

Mo yajtalul te stestigotak Jehová te maʼyuk jich kʼoem ta pasele

Mo yajtalul te stestigotak Jehová te maʼyuk jich kʼoem ta pasele

Ta jaʼbil 1987, te Lyman Swingle, te kʼax ta Jtsojb Jwolwanejetik yuʼun te stestigotak Jehová, kʼopoj ta stojol te 63,580 ta tul ants winiketik te la stsob sbaik ta Plaza de Toros Monumental ta Valencia (Venezuela). Bayal te machʼatik kʼotik tey-ae beenik ta autobus ta sjunal ajkʼabal. La yichʼik albeyel yuʼun te ma jaʼukikxanix tut jtsojb Testigoetik, melel chikan ta ilel te nopol ya staikix te «100,000 ta tul jcholkʼopetik».

Ta jaʼbil 1987, ta Venezuela kʼaxem ta 38,000 jcholkʼopetik yuʼun, jaʼ ya skʼan ya yal te testigoetik yuʼun Jehová te ya scholik skʼop Diose. Ta jaʼbil-abi jaʼnax waxakeb nasion te kʼaxem ta 100,000 jcholkʼopetik yuʼunike.

Te yajtalul te stestigotak Jehová yak ta pʼolel ta swolol Balumilal. Te kʼalal kʼax te 1 Guerra Mundial jaʼnax ay chaʼoxmil jcholkʼopetik-a. Jaʼukmeto jelon. Ta jaʼbil 1943 te Yearbook of Jehovah’s Witnesses (Anuario de los testigos de Jehová de 1943) jich la yal: «Te datos yuʼun te informe ta 1942, manchukme maba tsʼakal ta skaj te maʼyuk te Internet, telefono sok yantikxan, jaʼukmeto chikan ta ilel te bendición yuʼun te Jehová, melel ta kʼajkʼal ini kʼaxemix ta 106,000 jcholkʼopetik ta swolol Balumilal». Soknix te kʼalal yak ta kʼaxel-a te 2 Guerra Mundial bayal ta tul ants winiketik ochik ta Testigo yuʼun Jehová. Ta jaʼbil 1950, jaʼnax ta Estados Unidos kʼaxem ta 100,000 ta tul jcholkʼopetik yuʼun-a.

Ta patil, ta jaʼbil 1974, ta Nigeria la sta te yajtalul 100,000 ta tul jcholkʼopetik.

Te yan jaʼbil-abi, ta Brasil soknix ta Alemania, te yajtalul te jcholkʼopetike jaʼnix jich kʼax ta 100,000. Jaʼ yuʼun mo te yajtalul ta chaneb continente. Jaʼ-abi la yakʼ ta ilel te ya smulanik yaʼiyel te lek yachʼil kʼop ay ta Biblia te ants winiketik te yanyantik stsʼumbalike.

Te yajtalul te stestigotak Jehová yak ta pʼolel ta swolol Balumilal, jich yak kʼoel ta pasel te bin albil jilel skʼoplal ta Isaías 60: 22, te jich ya yale: «Te machʼa tut, ya xcʼoht ta jun nación te ay yip. Hoʼon Jehovahon, ta yorahil ya jcʼohtes ta pasel ta ora».

Te informe yuʼun te 2014, ta 24 nasionetik kʼaxemix ta 100,000 Testigoetik. Teynix ochem-euk-a te Venezuela, te la sta te yajtalul ini ta 2007. Ta swolol Balumilal ayix 155,416 kongregasionetik yuʼun te stestigotak Jehová sok 8,201,545 ta tul jcholkʼopetik.

Nasionetik te kʼaxem ta 100,000 jcholkʼopetik yuʼune

Continente

Nasion

Jcholkʼopetik

Ta África

Angola

108,607

Ghana

125,443

Nigeria

362,462

República Democrática del Congo

216,024

Zambia

178,481

Ta Asia

Corea del sur

100,641

Filipinas

196,249

Japón

215,703

Ta Europa

Alemania

166,262

España

112,493

Francia

127,961

Gran Bretaña

138,515

Italia

251,650

Polonia

123,177

Rusia

171,268

Ucrania

150,906

Ta Norteamérica

Canadá

116,312

Estados Unidos

1,243,387

México

829,523

Ta Sudamérica

Argentina

150,171

Brasil

794,766

Colombia

166,049

Perú

123,251

Venezuela

140,226

Naʼbeyaxan skʼoplal

¿MACHʼATIK YA SPASIK TE SKʼANOJEL YOʼTAN TE JEHOVÁ TA KʼAJKʼAL INI?

¿Bin utʼil chajpambil ta lek te bitʼil ya jcholkotik te skʼop Diose?

Jaʼ ya jtʼuntik te bin la yakʼ jilel nopel te Jesús te kʼalal xtaluk ta Balumilale. ¿Bintik utʼil ya jcholtik te skʼop Diose?