Ochan ta banti te bintik yichʼoje

Ochan ta banti bintik jujunchajp yichʼoje

sTestigotak te Jehová

tseltal

Te stestigotak Jehová la yichʼik akʼbeyel diploma ta swenta te ya skanantayik te kʼinale

Te stestigotak Jehová la yichʼik akʼbeyel diploma ta swenta te ya skanantayik te kʼinale

Ayix tal jukeb jaʼbil te yakik ta akʼbeyel sdiplomaik te stestigotak Jehová ta swenta te imprenta yuʼunik ta México ta skaj te ya skanantayik te kʼinale.

Ta 26 yuʼun septiembre 2012 te stestigotak Jehová la yichʼik akʼbeyel jun diploma yuʼun te ajwalil yuʼun México ta swenta te «ya spasik tulan ta skanantayel sok ta yilel ta lek te kʼinale».

Te bin yuʼun te programa ya yakʼ diplomaetike, jaʼ te yakuk skanantayik ta lek te kʼinal te mukʼul empresaetike. Te stestigotak Jehová yananix snajkan sbiilik ta jujun jaʼbil-a ta swenta te programa-abi, manchukme maba ya spas ganar takʼin te organisasion yuʼunike. Ay jtul te machʼa ya skʼases kʼop ta swenta te imprenta yuʼun México jich la yal: «Swenta ya xjuʼ ya kichʼtik jun diploma ta swenta te bitʼil ya jkanantaytik te kʼinale, ya skʼan ya kakʼtik ta ilel sok ta swenta te bintik ya yichʼ pasele sok te bintik ya yichʼ chʼojel lokʼel te maba ya xtuunix jich bitʼil te ya yal te mantaliletik ta jnasiontik ta swenta skanantayel te kʼinal ta jukchajp te smakojbey skʼoplale: jaʼ te ikʼ, jaʼ, te bintik ma xtuunix, biluketik te ya xjuʼ x-utsʼinwan, lekuk ay te bintik ya yichʼ tuuntesel, te lus sok te pʼijubtesel yuʼun ta swenta skanantayel te kʼinale. Maba sujbilik yuʼun ya snajkan sbiilik te mukʼul empresaetik ta swenta te programa-abi, yan te joʼotike spasemal koʼtantik ya kakʼ jbatik-a».

Te stestigotak Jehová ta swolol Balumilal ya spasik tulan yuʼun ya skanantayik te tʼujbil Balumilal kuʼuntike.

 

Naʼbeyaxan skʼoplal

¿MACHʼATIK YA SPASIK TE SKʼANOJEL YOʼTAN TE JEHOVÁ TA KʼAJKʼAL INI?

¿Machʼaonkotik-a te stestigotak te Jehovae?

¿Jayeb ta jtul testigoetik yuʼun Jehová ya anaʼbey sba te jaʼate? ¿Yanixbal anaʼbon jbakotik ta lek-a?