Ochan ta banti te bintik yichʼoje

Ochan ta banti bintik jujunchajp yichʼoje

sTestigotak te Jehová

tseltal

Bayal ta mil ants winiketik yakik ta snopel tsʼibajel sok skʼoponel jun

Bayal ta mil ants winiketik yakik ta snopel tsʼibajel sok skʼoponel jun

Ta 2011, kʼaxem ta 5,700 ta tul ants winiketik la yichʼik nojptesel ta tsʼibajel sok ta skʼoponel jun ta swenta te koltayel ya yakʼik te testigoetik yuʼun Jehovae.

Ta Ghana:

Ayix tal veinticinco jaʼbil, kʼaxem ta 9,000 ta tul ants winiketik te ay slumalik ta Ghana snopojikix tsʼibajel sok skʼoponel jun ta swenta te Testigoetik yuʼun Jehovae.

Ta Zambia:

Kʼalalto ta 2002, jteb maʼyuk 12,000 ta tul ants winiketik snopojikix ta lek tsʼibajel sok skʼoponel jun. Jtul ants te sbiil Agnes te ayix 82 yaʼbilal jich ya yal: «Te kʼalal la yichʼ alel ta kongregasion te yichʼ akʼel koltayel ta snopel tsʼibajel sok skʼoponel jun, la yakʼbon bayal stseʼelil koʼtan sok oranax la kakʼ ta otsesel ta jun te jbiile. ¡Bayal stseʼelil koʼtan yuʼun te kʼalal la jnop stsʼibayel te jbiil ta sbabial kʼajkʼale!».

Ta Perú:

Jtul jnopjun ants te ayix 55 yaʼbilale jich la stsʼibay: «Te jmeʼ jtate maba la yotsesonik ta eskuela, jich yuʼun la jkuy te maʼyuk bin-ora ya jnop te tsʼibajele sok te skʼoponel june».

Ta Mozambique:

Te kʼaxemix tal joʼlajuneb jaʼbile ay jnojptesojixkotik ta skʼoponel jun kʼaxem ta 19,000 ta tul ants winiketik. Jtul jnopjun ants te sbiil Felizarda jich la yal: «Bayal stseʼelil koʼtan melel ya xjuʼix kuʼun sleel te textoetik yuʼun te Biblia sok te ya jkʼoponbey yaʼiy te ants winiketike. Ta nailal wokol ya kaʼiy-a».

Ta Islas Solomón:

Te Sucursal jich ya yal: «Ta namey tale, bayal ants winiketik te namal ayik ta nainel-ae ma juʼ bajtʼik ta nopjun. Soknix maʼyuk bayal antsetik-a te ya xjuʼ x-ochik ta eskuela. Ta swenta-abi, bayal te machʼatik ayix yaʼbilalike tuunem yuʼunik te nojptesel ta tsʼibajel sok te skʼoponel june. Te kʼalal ya xlaj ta akʼel te nojptesele, ayix smukʼul yoʼtanik ta stukelik».