Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Ochan ta banti te bintik yichʼoje

sTestigotak te Jehová

tseltal

Te página jw.org sjelojbey skuxlejal bayal ta tul ants winiketik

Te página jw.org sjelojbey skuxlejal bayal ta tul ants winiketik

Bayal ta tul ants winiketik ta swolol Balumilal staojik koltayel ta swenta te página jw.org. Ta ora ini ya kalbeykotik skʼoplal te bintik la yalik te ants winiketik ta swenta yalel wokol, te bintik la yalike, kʼoemix ta yuil mayo yuʼun 2014 ta banti ya yichʼ ilel te aʼtelil yuʼun te stestigotak te Jehová ta swolol Balumilal.

Koltayel ta swenta alaletik

«Te kʼalal ya sujtal te jnichʼan ta banti ya yichʼ kanantayel te alaletike, ya yichʼ julel ta na lapíz, ixtabiletik sok lente te ya stuuntesik yuʼun kʼajkʼal te jaʼ yuʼun te sjoʼtake. Bayal buelta la kalbeykotik te yakuk xkʼot ta yoʼtan te yak ta elekʼe sok te maba lek te elekʼe, jaʼukmeto maba kʼot ta yoʼtan kuʼunkotik. Jun buelta la jpaskotik descargar te video ta jw.org te sbiilinej Chopol te elekʼe. ¡Kʼax mukʼul koltayel! Jaʼ tey la sta-a te koltayel te alal kuʼunkotike. Te kʼalal laj yilbel te videoe, la yal te ya sujtes spisil te bintik yichʼoj talel ta nae, melel kʼotix ta yoʼtan te ma smulan Dios te ya x-elkʼaj te ants winiketike. ¡Kʼax bayal la skoltayonkotik te página yuʼun Internet ini!» (D. N., África.)

«Te video ta jw.org te sbiilinej Chopol te elekʼe [...] jaʼ tey la sta-a te koltayel te alal kuʼunkotike.»

«Te alaletik kuʼun kʼax ya smulanik te página ini, melel ya xjuʼ ta pasel descargar videoetik yuʼun dibujo te ya stijtiklan sbaike. Jaʼ ini ya xkoltayotik ta spasel ta skuxlejalik te mantaliletik yuʼun te Biblia ta swenta te tojuk ya yakʼ sbaike. Jaʼnix jich ay yantikxan te bintik ya snopik te ya xtuun yuʼunik ta patil sok ya xkoltayotik yuʼun jich ya xkʼotik ta lekil ants winiketik.» (O. W., las Antillas.)

Koltayel ta swenta jnopjunetik

«Te joʼone kʼax tulan ya kaʼiy-a te snopel te june, koʼtanuk kʼan kijkʼitay te nop june. Jaʼukmeto ta jun buelta la jkʼopon ta página jw.org te artículo “¿Debería dejar de estudiar? [¿Yabal skʼan ya kijkʼitay snopel te june?]”. Teyto-abi, jajchon ta yilel te jaʼ swenta jlekilal te snopel te june. Te artículo ini la skoltayon ta yilel te snopel jun ya xtuun kuʼun ta patil bael sok ya skoltayon yuʼun ya jkʼotes ta pasel biluk aʼtelil.» (N. F., África.)

«Te tsitseletik ta swenta jchʼieletik te ay ta página ini, skoltayejon yuʼun toj ya x-ayinon ta escuela.»

«Te tsitseletik ta swenta jchʼieletik te ay ta página ini, skoltayejon yuʼun toj ya x-ayinon ta escuela. Jnopoj te ya kakʼ koʼtan ta snopel te june sok ma xkakʼ te ay bin ya xchʼaybon koʼtane.» (G., África.)

«Jtul joy ta aʼtel la scholbon kaʼiy te yaklaj ta utsʼinel ta escuela te yantsil-al ta swenta jtul tut achʼix. Te yantsil-ale och bayal xiwel ta yoʼtan, kʼaxto utsʼinot yuʼun te jich maba bajtʼ cheʼoxeb kʼajkʼal ta escuela. La kalbey yaʼiy te joy ta aʼtel chaʼoxpʼaluk skʼoplal te video Cómo defenderte sin dar un solo golpe [Maba puersa ya xmajawanat yuʼun ya akoltay aba], te banti ay ta jw.org te sbiil “La pizarra animada”. Bayal la smulan te bitʼil ya skʼan te manchuk ya x-ilinotik ta ora yuʼun jich ya jlamajtestik te kʼope. Ta patil la scholbey yaʼiy te yantsil-al te bin ya xjuʼ ya spas yuʼun jich ya stsal-a te utsʼinele, ta swenta-abi te tut achʼixe, maba xiwix-a jich chaʼbajtʼ ta escuela. Kʼax bael te kʼajkʼale, lekub stalel te tut achʼixe, ta patil la yamigain sbaik.» (V. K., Europa oriental.)

Koltayel ta swenta jchʼiel kerem achʼixetik

«Kʼax wokolawalik yuʼun te ya apukik ta jw.org te artículo “¿Por qué siento el impulso de cortarme? [¿Bin yuʼun te ya yal koʼtan te ya jboj jbae?]”. Ayix bayal jaʼbil te jpasoj tulan sok te wokolil ini. La jkuy te maʼyuk yan machʼa jich ya spase sok teme ay machʼa ya jcholbey yaʼiye, maniwan xkʼot ta yoʼtan. Te bintik kʼoem ta pasel te la yichʼ albeyel skʼoplal ta articuloe, bayal la skoltayon. ¡Jich la kaʼiy jba te ay machʼa kʼot ta yoʼtan te jwokole!» (Jtul jchʼiel achʼix ta Australia).

«Te bintik kʼoem ta pasel te la yichʼ albeyel skʼoplal ta articuloe, bayal la skoltayon. ¡Jich la kaʼiy jba te ay machʼa kʼot ta yoʼtan te jwokole!»

«Te página yuʼun jw.org skoltayejon ta stabeyel skʼoplal temaetik yuʼun wokolil te ya xkʼax ta stojol te jchʼieletike. Ay jun artículo te la skoltayon ta snaʼbeyel swentail te bin smakojbey skʼoplal te kʼalal ay machʼa ya x-utsʼinwan swenta yuʼun ay bin yan ya skʼan (acoso sexual), tey la kil-a te jaʼnix jich ay kʼax ta jtojol-euk te utsʼinel-abi sok la jnop te bin ya xjuʼ ya jpas yuʼun ya jkanantay jba.» (T. W., las Antillas.)

Koltayel ta swenta meʼil tatiletik

«Te jkerem-ale chikanax bintik ya spas. Jtsʼin-ajkʼ ya sjelulan stalel sok ma xjuʼ ta naʼel te bin ya snope, jteb ma spisiluk ora ya stsalon. Jaʼ yuʼun-abi wokol ya kaʼiy te ya juk ta kʼope. Ta jun buelta ochon ta página yuʼun jw.org ta swenta machʼatik nujpunemik sok ta swenta meʼil tatiletik, tey la jta bayal articuloetik ta swenta te bin yak ta kʼaxel ta jtojole. La skoltayon swenta yuʼun jich ya xjuʼ ya xkʼopojon ta lek sok te jkerem-ale. Jaʼnix jich-euk koltaybil yuʼun te página yuʼun Internet ini. Ta ora ini jamal ya yalbonix te bin ay ta yoʼtane sok ya xcholbon kaʼiy te bintik ya smel yoʼtan yuʼune soknix te bintik lek ya xkʼax ta stojole.» (C. B., África.)

«Ay bayal buelta-a te kʼalal ya staik jun wokolil te kal jnichʼnabkotike, ya xlokʼ jun artículo ta swenta te tema-abi liʼ ta página ini.»

«Te página jw.org bayal bintik-utʼil ya yakʼbey yil te meʼil tatiletik ta swenta yuʼun ya snojptesik te yal snichʼanik te manchuk ya xchʼajub yuʼunike. Jich bitʼil te video ta swenta te bin-utʼil ta tael te smelelil amigoetik te ay ta banti “La pizarra animada” jaʼ ini koltayot yuʼun te kal jnchʼnabkotik swenta yuʼun te binix-utʼil ay-a te smelelil te machʼa ya xjuʼ ya jokintike sok nojptesotik ta stsael yamigoik te lek stalelik te ya xkoltayotik ta skuxlejalike. Ay bayal buelta te kʼalal ya staik jun wokolil te kal jnichʼnabkotike, ya xlokʼ jun artículo ta swenta te tema-abi liʼ ta página ini. Ta melel nojel ta lekil tsitseletik.» (E. L., Europa.)

Koltayel ta swenta te machʼatik nujpunemik

«Te joʼon sok te kiname ayix ta wakeb jaʼbil nujpunemonkotik. Jich bitʼil te ya xkʼot ta pasel ta spisil te machʼatik nujpunemike, te joʼon sok te kinam jpasojkotik tulan ta skʼaytesel jbakotik-a te bin yilel jtalelkotik, jpensarkotik sok te bin-utʼil ya xkʼopojotik ta tulutule. Jaʼ yuʼun-abi, te artículo ta jw.org te sbiilinej “Aprenda a escuchar [Nopa schʼamel awaʼiy te kʼope]” la jmulan te bin la yale. Yichʼoj tsitseletik te ya xtuun yuʼun ya jchʼam kaʼiytik ta lek te machʼa ya xkʼopoje. La jkʼopon ta spisil, ta patil la jkʼasesbey-euk te kiname. Yakotik ta spasel tulan ta pasel ta jkuxlejalkotik te lekil tsitseletik ya yakʼ tey-ae.» (B. B., las Antillas.)

«Te página yuʼun Internet ini, la skoltaybon te nujpunel kuʼune.»

«Ayix jun jaʼbil te jnaʼojbey sba te stestigotak te Jehovae, ya jkʼan ya kalbeyex wokol yuʼun te página jw.org. Bayal bintik jnopoj tey-a, jaʼnix jich te bin-utʼil lamaluk koʼtan ya kakʼ jba, te ya xkʼoon ta lekil tatil sok lekil mamlalil. Ta melel ya xjuʼ ya kal te página yuʼun Internet ini la skoltaybon te nujpunel kuʼune.» (L. G., las Antillas.)

Koltayel ta swenta te jkojkʼchikinetik

«Wokolyal te página jw.org, la jchaʼta te stseʼelil koʼtane. Te videoetik yuʼun te kʼopil seña americano skoltayejon yuʼun ya xkʼot ta yoʼtanik te yantik te bin ya kal ta seña kʼope. Jaʼnix jich, te ayix tal kʼajkʼale jich la kaʼiy jba te maʼyuk bin tulan skʼoplal ya xkʼot ta pasel kuʼun ta jkuxlejale, jaʼukmeto te video Ahora veo la Biblia en mi idioma [Ta ora ini ya xjuʼ ya kilix te Biblia ta jkʼopnix] la stijbon koʼtan sok la skoltayon yuʼun jaʼ ya xbajtʼ koʼtan ta snopel te bintik lekike.» (J. N., África.)

«Wokolyal te página jw.org, la jchaʼta te stseʼelil koʼtane.»

«Te página jw.org jaʼ jun mukʼul majtʼanil. Ayon ta aʼtel ta jun programa te maba tojbilonkotik ta skoltayel jkojkʼchikinetik te jchʼieliktoe. Te bintik ya yichʼ tael ta kʼopil seña skoltayejon ta snopelxan ta lek te kʼopil ini. Soknix juʼem kuʼun skoltayel yantik ants winiketik te lekukxan ya yil sbaik sok te yamigotakik sok te machʼatik ay yuʼunike.» (K. J., las Antillas.)

Koltayel ta swenta te jtsʼoʼsitetik

«Manchukme ma xjuʼ ya kil kʼinal, te página yuʼun te jw.org skoltayejon ta bayal. Te bintik ya yichʼ tael tey-ae, yaniwan xjalaj bayal u te yakuk stikunbonik tal ta kartae. Te bin jnopoj ta swenta te página ini skoltayejon ta stael tseʼel-oʼtanil sok te jfamilia sok jich ya kaʼiy jba te ay jkʼoplal ta stojol te ants winiketike. Jaʼnix jich ya jmulan te bitʼil pajal ya xjul kuʼun sok te bintik ya skʼoponik te kamigotak te ya yilik kʼinal stukelike.» (C. A., Sudamérica.)

«Te bin jnopoj ta swenta te página ini skoltayejon ta stael tseʼel-oʼtanil sok te jfamilia sok jich ya kaʼiy jba te ay jkʼoplal ta stojol te ants winiketike.»

«Te machʼatik ma snaʼik skʼoponel braille o ma xjuʼ yuʼunik smanel libroetik ta braille, te jw.org ya xtuun yuʼunik ta lek. Te pʼijubtesel ya yakʼ te grabacionetike, ya skoltay te machʼatik ma xyilik kʼinal yuʼun ya snaʼik-euk te bintik ay nopele. Ta smelelil te página ini, yichʼoj pasel ta swenta skoltayel spisil ta chajp ants winiketik, maʼyuk machʼa ya yichʼ pʼajel. Ya yichʼ ilel te ay skʼoplalik te jtsʼoʼsitetike sok ya kaʼiy jbatik te ay jkʼoplaltik ta stojol te ants winiketike.» (R. D., África.)

Koltayel ta swenta te machʼatik ya skʼan ya snopik te skʼop Diose

«Te bin ma spaj te página yuʼun Internet awuʼunik sok te yantik paginaetik yuʼun relijion, jaʼ te bitʼil maba nojel ta kʼopetik te jaʼnax ya xkʼot ta yoʼtanik te machʼatik ayik ta relijion-abi. Jaʼnix jich ma kʼax bayaluk te bintik ya yal ta june. Jaʼ jun página te ma chujkʼuluk sok jamal ta aʼiyel te bin ya yale. Maʼyuk yichʼojlan tojol kʼopetik te ma xtuun sok te bintik jaʼnax ya yakʼik ta nopel te ants winiketike. Ya yakʼ ta ilel te maba tulan te schʼuunel te Diose sok te ya xjuʼ kuʼuntik spasele.» (A. G., Asia.)

«Jaʼ jun página te ma chujkʼuluk sok jamal ta aʼiyel te bin ya yale. [...] Ya yakʼ ta ilel te maba tulan te schʼuunel te Diose sok te ya xjuʼ kuʼuntik spasele.»

«¡Ma xtuunon! Jich la kaʼiy jba te kʼalal mato ayuk-a te jw.org. Jujun buelta te kʼalal ya x-ochon tey-ae. Jich ya kil te ya sakub te kʼinal ta jun balumilal te ay ta ijkʼal kʼinal kʼoeme. Ta oranax ya xjuʼ ya jkʼopon sok ya jchʼam kaʼiy te articuloetik ta swenta te bin yilel ya yil Dios te bintik ya xkʼot ta pasele sok ya jtabey sujtib tey-a te jojkʼoyeletik kuʼune.» (J. C., las Antillas.)

«Ya kal wokol yuʼun te koltayel ta swenta skʼop Dios te ya jta liʼ ta Sudamérica, te ay ta yolil te selva. Te manchuk ay te página ini, chʼayemon ya kaʼiy jba.» (M. F., Sudamérica.)

Naʼbeyaxan skʼoplal

¿Bin ya ata ta ṕagina kuʼunkotik ta Internet?

Ya xjuʼ ya anopxan ta jwentakotik sok ta swenta te bintik jchʼuunejkotike, jaʼnix jich ya xjuʼ ya atabey sujtib ta swenta te jojkʼoyeletik te ya apasbey aba ta swenta te Biblia.