Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Ochan ta banti te bintik yichʼoje

sTestigotak te Jehová

tseltal

Bayal ta tul alaletik ya yichʼik bael ta escuela te libro Aʼyejetik te lokʼem ta Biblia

Bayal ta tul alaletik ya yichʼik bael ta escuela te libro Aʼyejetik te lokʼem ta Biblia

Te libro Aʼyejetik te lokʼem ta Biblia la yichʼ lokʼesel ta jaʼbil 2012 ta kʼopil pangasinán te ay Filipinas, kʼax lek la yil Departamento de Educación yuʼun te lum-abi, melel la sta ta nopel te ya yichʼ akʼel pʼijubtesel ta escuela primaria ta sbatsʼil kʼopik te jnopjunetike. Ta kʼajkʼal ini, bayal ta tul alaletik yakik ta snopel te libro ini.

Ta Filipinas ya xkʼopojik ta kʼaxem ta cien kʼopiletik, sok ayix tal bayal jaʼbil te ma xkʼot ta nopel yuʼunik te bin kʼopil ya skʼan ya stuuntesik ta yakʼel nojptesel ta escuela. Ta 2012 te Departamento de Educación la yil te jaʼ lek te ya yichʼ nojptesel te alaletik «ta sbatsʼil kʼopik [...] jich ya snopik ta lek sok ta oranax». Ta swenta-abi te machʼatik mukʼ yaʼtelike, la sjachik jun programa yuʼun snopel chaʼoxchajp kʼopiletik te lokʼem ta sbatsʼil kʼopik te jnopjunetike.

Te Pangasinán jaʼ te kʼopil te la yichʼ tsael yuʼun ya yichʼ akʼel te nojptesele. Jaʼukmeto ay jtul director ta jun escuela la yal te ay jun kʼope, jaʼ te maʼyuk bayal junetik lokʼemik ta kʼopil Pangasinán. Jaʼ yuʼun te libro Aʼyejetik te lokʼem ta Biblia kʼot ta mero yorail, melel lokʼ ta mukʼul tsoblej yuʼun oxeb kʼajkʼal yuʼun te stestigotak te Jehová te la yichʼ pasel ta 2012.

Jteb ma sta diez mil ta jpajk libroetik la yichʼ pasel imprimir swenta ya yichʼ pukel ta mukʼul tsoblejetik-abi. Bayal akʼbot stseʼelil yoʼtanik yuʼun te meʼil tatiletik sok te alaletik te kʼalal la yilik te lokʼ te libro ta sbatsʼil kʼopike. Jtul meʼiltatil jich la yal: «Te jkʼalnichʼnabkotike bayal ya smulanik melel ya xkʼot ta yoʼtanik ta lek».

Te kʼalal lajix-a te mukʼul tsobleje, ay chaʼoxtul stestigotak te Jehová la yichʼik bael te libro Aʼyejetik te lokʼem ta Biblia ta escuela yuʼun Dagupan. Te maestroetike bayal skʼanojik-a te ayuk junetik ta kʼopil pangasinán, bayal la smulanik te kʼalal la yilik te libroe. Kʼaxemto ta 340 libroetik la yichʼ kʼanel tey ta escuela, sok jajch stuuntesik ta oranax ta snojptesel ta skʼoponel jun te alaletik ta sbatsʼil kʼopik.

Te stestigotak te Jehová ay stseʼelil yoʼtanik yuʼun te bitʼil te junetik yak ta skoltayel ta snopel jun te alaletike. Ay jtul te machʼa la skʼases te libro ta kʼopil-abi jich la yal: «Ayix tal bayal kʼajkʼal te kʼoem ta koʼtankotik te bayal skʼoplal te ya jlokʼeskotik junetik ta sbatsʼil kʼop te ants winiketik te ya xkʼot ta yoʼtanike. Jaʼ yuʼun te testigoonkotik yuʼun Jehová ya jpaskotik tulan ta skʼasesel ta yantik kʼopil te Biblia sok yantikxan junetik ta bayal ta cien kʼopiletik».

Naʼbeyaxan skʼoplal

La yichʼik te Biblia ta sbatsʼil kʼopik

Te Traducción del Nuevo Mundo de las santas Escrituras ma tojbiluk jaʼ chikan machʼa ya skʼan ya skʼopone.