Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Ochan ta banti te bintik yichʼoje

sTestigotak te Jehová

tseltal

«¡Te jaʼexe kʼax lek te talelil ya awakʼik ta ilele!»

«¡Te jaʼexe kʼax lek te talelil ya awakʼik ta ilele!»

TE Testigoetik yuʼun Jehová ta lum siliciana de Saponara (Italia) la yichʼik akʼbeyel jun kuadro yuʼun reconocimiento yuʼun te koltayel la yakʼik ta swenta te nojel jaʼ te kʼax ta lum-abi.

Ta 22 yuʼun noviembre ta 2011, kʼax tulan nojel jaʼ te la sjin jilel cheʼoxeb lumetik sok tut lumetik te ayik ta Mesina. Te ajkʼabal-abi laj jtul tut kerem sok chaʼtul te ayix yaʼbilalik te ayik ta Saponara ta skaj te tujtsʼ koel te lume.

Ta yantikxan kʼajkʼal-abi, te stestigotak Jehová junax la stsob sbaik sok la slokʼesik te ajchʼal sok te bintik bayal jin jilel ta lumetik-abi yuʼun te nojel jaʼe.

Te jtsojb Testigoetik-abi junax aʼtejik sok te machʼatik yichʼoj mukʼ yaʼtelike, sok jun yoʼtan la skʼanik te ya yakʼik koltayel te banti ya skʼanxane sok maba la skom sbaik ta yakʼel koltayel manchukme kʼaxix-a te nojel jaʼe. Te jayeb Testigoetik la yakʼik koltayele ay chaʼoxtul te kʼaxem ta 97 kilometro (60 millas) snajtil te banti talemike te machʼatik kʼotik ta koltaywaneje ayniwan cincuenta sok ochenta ta tul jaʼ chikan te bin kʼajkʼalile.

Bayal te machʼatik yajwal te lum te banti kʼax te tulan nojel jaʼe la yalbeyik wokol te Testigoetik ta swenta te koltayel la yakʼike. Te alcalde (presidente ta jun municipio) cheʼoxeb buelta jich la yalulan: «¡Te jaʼexe kʼax lek te talelil ya awakʼik ta ilele!».

Joʼeb u ta patil te Fabio Vinci te j-aʼtelpatan ta municipio la yakʼbey jun kuadro yuʼun reconocimiento te kongregasion yuʼun te stestigotak Jehová te nopol ay tey-ae.