Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Ochan ta banti te bintik yichʼoje

sTestigotak te Jehová

tseltal

Te stestigotak te Jehová la yichʼik naʼbeyel sba te yaʼtelik ta swenta skoltayel te jchukeletike

Te stestigotak te Jehová la yichʼik naʼbeyel sba te yaʼtelik ta swenta skoltayel te jchukeletike

Te Centro de Detención de Inmigrantes Curtin, te nopol ay ta Derby (Australia Occidental), la yakʼbey jujun sdiploma baluntul testigoetik yuʼun Jehová ta swenta snaʼbeyel sba te yaʼtelik ta swenta te «kʼax lek koltayel» ya yakʼbeyik te machʼatik chukulike. Jaʼ ini, jaʼ mukʼul centro te ay ta Australia Occidental te banti ya yichʼik akʼel te ants winiketik te talemik ta yan nación te maʼyuk sjunike. *

Ta jujun semana, te stestigotak te Jehová ya yulaʼtayik te jchukeletik swenta ya schʼambeyik yaʼiy stojol te bintik spasojike sok ya yakʼbeyik smukʼul kʼinal yaʼiyik soknix ya scholbeyik yaʼiy te bintik ya yakʼ jmaliytik te Bibliae. Te Christopher Riddoch jaʼ te machʼa ay ta swenta skʼoponel te relijionetik sok yantik organizacionetik, la yal te ya «xchiknaj ta ilel ta oranax ta stojol te jchukeletik te koltayel ya yichʼik akʼbeyel yuʼun te stestigotak te Jehová». Te winik ini la yal te yalaj staik tseʼel-oʼtanil te jchukeletik te kʼalal ya x-ulaʼtayotik yuʼun te stestigotak te Jehová. Jaʼnix jich te jchukeletike ya xkʼot ta yoʼtanik te maba chʼaybilik ta oʼtanil yuʼun te machʼatik maba chukul stukelike.

Te Christopher Riddoch jaʼnix jich la yal ta swenta te diploma te la yichʼik akʼbeyel te testigoetik yuʼun Jehová te jaʼ jun señail te la yichʼik albeyel wokol yuʼun te ya «slekubtesbeyik skuxlejal te ants winiketik te ayik ta centro te ay ta swenta yilele». Ta patil la yalxan ta swenta te aʼtelil te yakʼoj sbaik ta spasel te stestigotak te Jehová, «lek ya yichʼik albeyel skʼoplal yuʼun te sfamiliaik, te scongregacionik sok te srelijionike».

^ párr. 2 Ta mukʼul na-abi ya x-ochik 1500 ta tul ants winiketik

Naʼbeyaxan skʼoplal

¿Machʼaonkotik-a te stestigotak te Jehovae?

¿Jayeb ta jtul testigoetik yuʼun Jehová ya anaʼbey sba te jaʼate? ¿Yanixbal anaʼbon jbakotik ta lek-a?