Ochan ta banti te bintik yichʼoje

Ochan ta banti bintik jujunchajp yichʼoje

sTestigotak te Jehová

tseltal

Te machʼatik mukʼ yaʼtelik ta Atlanta akʼbot stseʼelil yoʼtanik yuʼun te kʼotik te stestigotak te Jehová ta slumalik

Te machʼatik mukʼ yaʼtelik ta Atlanta akʼbot stseʼelil yoʼtanik yuʼun te kʼotik te stestigotak te Jehová ta slumalik

«Ya jkʼan ya kalbeyexkotik te bitʼil lek akʼoplal kuʼunkotik jich bitʼil te testigoex yuʼun Jehová ta swenta te apasojik tulan te awakʼoj abaik ta abatinel ta swenta te Ajwalinel yuʼun te Diose. Kʼax bayal skʼoplal ta koʼtankotik sok ya kalbeyexkotik wokol yuʼun te bitʼil ya awakʼbeyik koltayel te yantik testigoetik yuʼun Jehová soknix te yantik ants winiketike.»

Jaʼ jich la yal ta skarta te Kasim Reed te machʼa yichʼoj yaʼtel jich bitʼil presidente yuʼun municipio ta Atlanta (Georgia, Estados Unidos), ta swenta te bitʼil kʼotik te stestigotak te Jehová ta spasel oxeb mukʼul tsoblej ta Atlanta.

Jaʼnix jich te machʼatik mukʼ yaʼtelik ta municipio yuʼun Atlanta la stikunik jun karta te banti ya yalik te lek yoʼtanik yuʼun te kʼotik te stestigotak te Jehová ta mukʼul tsoblej yuʼunik. Jich la stsʼibayik: «Jteb ma sta ocho millón ta tul testigoetik yuʼun Jehová ta swolol Balumilal, bayal cien ta chajp stsʼumbalik sok yanyantik skʼopik sok junax te bin yakik ta spasele [...], sok ya yichʼik ta mukʼ te Jehová, jaʼ te Dios te ya yalbey skʼoplal te Biblia sok te machʼa la spas spisil te bintik aye».

Ta julio sok ta agosto yuʼun 2014 la yichʼ pasel oxeb mukʼul tsoblej ta Atlanta, cheb la yichʼ pasel ta kʼopil inglés sok jun ta kʼopil español. Kʼotik bayal testigoetik yuʼun Jehová te talemik ta 28 chajp nacionetik. Te kʼalal yak ta kʼaxel-a te programa ta inglés, ta yorail-abi jaʼnix jich la yichʼ kʼasesel ta kʼopil ruso sok ta kʼopil japonés. Te jayeb machʼatik kʼotik-a te oxeb mukʼul tsoblej la yichʼ pasele, jaʼ 95,689.

Ta 2014 te stestigotak te Jehová la schajpanik 24 mukʼul tsoblej internacional la yichʼ pasel ta balunpam nacionetik, waklajuneb la yichʼ pasel ta yanyantik lum yuʼun te Estados Unidos.

Naʼbeyaxan skʼoplal

LEK YACHʼIL KʼOP TE TALEM TA STOJOL DIOS

¿Bin-a te Ajwalinel yuʼun te Diose?

¿Bin ya skʼotes ta pasel te Ajwalinel yuʼun te Diose, sok machʼa-a te ya xmantalaj tey-ae?