Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Ochan ta banti te bintik yichʼoje

sTestigotak te Jehová

tseltal

Te ants winiketik ya yulaʼtayik te lugar te «mukʼul Ton» sbiile

Te ants winiketik ya yulaʼtayik te lugar te «mukʼul Ton» sbiile

Ta swolol Balumilal ay joʼlajuneb na Betel yuʼunik te testigoetik yuʼun Jehová te banti ya spasik imprimir. Ay jun ta spisil jaʼ te ay Europa central ta Selters yuʼun Alemania, te sbiilinej Steinfels te ya skʼan ya yal te «mukʼul Ton».

Ta 23 kʼalal ta 25 yuʼun mayo ta 2014 te Betel-abi, la yichʼ akʼel te ya xkʼot yulaʼtayik te machʼatik nopol tey-ae, te yajwal empresaetik sok te machʼatik yichʼoj mukʼ yaʼtelik ta lum-abi. Te jayeb kʼajkʼal te kʼotik ta ulaʼtaywanej te ants winiketike la yakʼbeyik sbiilin «Treinta jaʼbil ta Selters», jaʼ ta swenta te la yichʼ akʼel ta stojol Jehová ta 21 yuʼun abril ta 1984.

Kʼaxem ta 3,000 ta tul ants winiketik bajtʼik ta yulaʼtayel te na Betel-abi. Ay jtul winik te yichʼoj yaʼtel jich bitʼil presidente ta municipio te jteb ma sta treinta jaʼbil te yakix ta aʼtel tey-ae, jich la yal: «Te yulaʼtayel te na Betel yuʼun te stestigotak te Jehová ya yakʼ tseʼel-oʼtanil. Sok ma xchʼay ta koʼtan te bitʼil oranax juʼ ta pasel ta Steinfels ta yaʼbilal bael 1974 kʼalal ta 1984. ¡Chajpnax la kil-a!».

¿Bintik smakojbey skʼoplal te ulaʼtaywaneje?

Ta swenta-abi, la yichʼ chajpanel te bintik ya yichʼ akʼel ta ilel te jich la sbiilin «Te testigoetik yuʼun Jehová ta Europa central», jaʼ ta swenta te 120 jaʼbil te ayikix te banti lum-abi. Te bintik la yichʼ akʼel ta ilel tey-ae, yato yichʼ ilel ta Betel ta ora ini.

Te machʼatik la yulaʼtayik te Betele la yilik bayal ta chajp Biblia te mukʼik skʼoplal sok te yanyantik ta ilel-ae. Ay jun Biblia te yichʼoj pasel ta spajkal ta kʼopil alemán te lokʼ ya yaʼbilal 1534 sok ay yan Biblia te olil pasbil ta lajchaychajp kʼopil te jaʼ spasoj te Elias Hutter te lokʼ ta yaʼbilal 1599. Jaʼnix jich la yichʼ pasel laminaetik te banti la yichʼ akʼel ta ilel fotoetik sok yantik lokʼombaetik soknix videoetik te ya yakʼ ta ilel te bayal ya xtuun kuʼuntik te tsitsel yuʼun te Dios ta kʼajkʼal ini.

Te machʼatik ulaʼtaywanike ay chaʼchajp te bin kʼax yilik te ma puersauk ay machʼa akʼbot yilik te bintik ya spasik ta jujun kʼajkʼal te kʼaxem ta mil ta tul ants winiketik te nainemik sok te teynix ya x-aʼtejik-ae. Te sbabial jich sbiilinej «Te bin-utʼil te jkuxlejalkotike» te machʼatik kʼaxik tey-abi la yilik te bin yilel te kuartoetik yuʼunik te machʼatik nainemik tey-ae, kʼaxik ta weʼel ta snail weʼibal soknix paxajik te banti tsʼumbil te nichimetike. Ay jtul ta spisil te j-ulaʼtaywanej jich la yal: «Te lugar ini kʼax tʼujbil».

Yanxan te banti kʼaxike jaʼ te banti sbiilinej «Te bitʼil ya yichʼ pasel te junetike», tey la yilik-a te naetik te banti ya yichʼ pasel imprimir, nupʼtiklanel libroetik sok te banti ay te Departamento yuʼun stikunel bael te junetike. Te machʼatik kʼotik ta ulaʼtaywaneje la yilik ta lek te bin-utʼil ya yichʼ pasel te junetik te lokʼemik skʼoplal ta Biblia sok te ya yichʼ tikunel bael te kʼaxemto ta 50 nacionetik. Ay jtul winik jich la yal: «Maba jnaʼoj-a teme ayik ta swolol Balumilal te testigoetik yuʼun Jehovae. Te libroetik yuʼunike ya xkʼot ta swolol Balumilal. Ta spasel spisil ta aʼtelil ini sok te bitʼil maba tojbilik te machʼatik ya x-aʼtejike, jaʼ-abi jaʼ jun milagro».

Te j-ulaʼtaywanejetike yakik ta yilel te bintik ay ta jw.org

Te bin chajpnax la yilik-ae, jaʼ te banti la yichʼ ilel ta swenta te jw.org, te página ta Internet yuʼun te stestigotak te Jehová. Te jchʼieletik sok te machʼatik ayix yaʼbilalike bayal bin la yilik sok videoetik soknix la yichʼik akʼbeyel sujtib te jojkʼoyeletik yuʼunike.

Jich bitʼil te la yilik te aʼtelil ya spasik ta swolol Balumilal te testigoetik yuʼun te Jehovae, bayal machʼatik akʼbotik stseʼelil yoʼtanik yuʼun sok te bitʼil bayal bintik lek la yalik yuʼun te aʼtelil ya yichʼ pasel ta na Betel-abi. Ay jtul winik jich la yal: «¡Kʼax chʼayemon-a te bin jnopoj ta stojol te Testigoetike! Ta ora ini jelonix te snopjibal kuʼune». Ay jtul ants te maba kom ta yalel jich ini: «Ta swenta te bin la kil ta kʼajkʼal ini, maba chopol ya kilix-a te testigoetik yuʼun Jehová».

^ párr. 17 Datos yuʼun 2014

^ párr. 21 Datos yuʼun 2014

^ párr. 24 Datos yuʼun 2014

Naʼbeyaxan skʼoplal

¿Bin-a te Betele?

Jaʼnax ta Betel te banti ya yichʼ pasel te bintik kʼax bayal skʼoplale, maʼyuk yan. Nopaxan ta swenta te machʼatik ya x-aʼtejik tey-ae.

¿Bintik ya yichʼ pasel ta Betel?

Tseʼelme koʼtantik yuʼun te jayeb machʼatik ya skʼan ya xtalik ta yilel te Betel. ¡Yame kikʼex te yakuk achapik te ya xtalexe!