Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Ochan ta banti te bintik yichʼoje

sTestigotak te Jehová

tseltal

Jaʼnax ay 60 kʼajkʼal yuʼunik

Jaʼnax ay 60 kʼajkʼal yuʼunik

Te viernes 5 yuʼun julio 2013, te Anthony Morris, te Jtsojb Jwolwanejetik yuʼun te stestigotak te Jehová, la yakʼ ta naʼel ta stojol te familia Betel ta Estados Unidos te jich ya yale: «Jich kʼot ta chapel kuʼuntik te ya yichʼ chonel wakchajp te mukʼul naetik 117 te ay ta calle Adams sok te mukʼul na número 90 te ay ta calle Sands ta Brooklyn. * Te bin kʼot ta chapele jaʼ te jochol ya skʼan ya xjil te joʼeb mukʼul naetik ta olil yuʼun agosto ta jaʼbil ini.

Jamal chikan te bayal aʼtelil ya skʼan pasele. Te smukʼul te joʼchajp mukʼul naetike, jaʼ pajal sok bulucheb ta pam te banti ya yaʼiyik futbol te bayal ta chajp nacionetike. ¡Spisil te bintik ay tey-ae jaʼnax ay 60 kʼajkʼal yuʼun ya yichʼ lokʼesel!

Bayal jaʼbil te la yichʼ tuuntesel te mukʼul naetik ini ta spasel imprimir sok ta snupʼtiklanel libroetik, jaʼukmeto spisil ini la yichʼ kʼasesel bael ta Wallkill (Nueva York) ta jaʼbil 2004.

Jaʼ yuʼun-abi te mukʼul naetike la yichʼ tuuntesel ta swenta taller, yawil mueble yuʼun oficinaetik sok bintik ya yichʼ tuuntesel ta spasel na. Soknix yichʼoj kʼejel tey-a te aʼtejibaletik sok makinaetik yuʼun spasel na sok yantikxan aʼtelil ta Estados Unidos sok ta yantik nación.

Swenta ya xlokʼ ta pasel ta aʼtelil ta yorail ya skʼan ya yichʼ chajpanel ta lek te bintik ya skʼan pasele. Ta sbabial, la yichʼ otsesel ta jun spisil te bintik ay tey ta mukʼul naetike yuʼun jich ya snaʼik te bin ya xjuʼ ta chonel, te bintik ma xtuunix sok te bintik ya yichʼ kʼejele. Ta patil la yichʼ nopel ta lek te bitʼil ya skʼan jojchobtesel ta oranax sok te manchuk ya yejchentes sbaike.

Te familia Betel koltaywanik sok spisil yoʼtanik ta spasel te aʼtelil ini. Jaʼnix jich kʼotik ta koltaywanej 41 ta tul hermanoetik te talemik ta yanyantik lugar ta Estados Unidos. Jteb ma spisiluk te jaʼ jchʼieletik te ma nujpunemik sok te ay lek yipike, la skʼanik te ya yaʼiyik koltaywanej ta wakeb kʼalal ta lajuneb semana ta Betel. Jaʼ-abi, la skʼan te ya yijkʼitayik jilel te sfamiliaik, yamigotakik, jichnix bitʼil te yaʼtelike. ¿Bin yaʼiyel la yaʼiy sbaik ta swenta te aʼtejike?

Te Jordan te ayix 21 yaʼbilale, te talem ta estado yuʼun Whashington. Jich ya yal: «Ayukixlajme kʼajkʼal la jtikun tal te jsolicitude».

Te Steven talem ta Texas te ayix 20 yaʼbilal, jich la yal: «Jich ya kaʼiy te jun jfamilia jba sok te hermanoetik te talemik ta yanyantik nación te tulan ya x-aʼtejik sok stseʼelil yoʼtanike.

Te Justin te ayix 23 yaʼbilal jich la stsʼibay: «Liʼ ta Betel jich ya yakʼbonik kaʼiy jba te ayon ta jnae. Kʼax lek ya kil te jun ayon sok te machʼatik leknax yichʼojik ta mukʼ te Diose te ya yakʼbonik kil te yutsil yoʼtanik sok te skʼuxul yoʼtanike.

Te Adler te talem ta Puerto Rico te ayix 20 yaʼbilal jich la yal: «Te bin kʼax tulan la kaʼiye jaʼ te kʼax sab ya xjajchone, jaʼukmeto la jta lek kamigotak tey-a te maʼyuk bin ora ya xchʼay ta koʼtane».

Te William te 21 yaʼbilal jich ya xjul ta yoʼtan: «Te kʼalal tutonto-ae jnopojnanix-a te ya x-aʼtejon ta Betele. Ta sjajchibal la jkuy te jtukel ya xbajtʼ kaʼiy jba tey-ae o te ma jnaʼ bin ya jpase, jaʼukmeto ma jichuk, te Betele maʼyuk yan lugar te pajal soke.

Jich yuʼun, ¿juʼbal ta pasel te aʼtelil te jayeb kʼajkʼal albil skʼoplale? Juʼ. Te bin chajpnax kʼot ta pasele, jaʼ te jaʼnax 55 kʼajkʼal juʼ ta pasele.

^ párr. 2 Te mukʼul na número 90 te ay ta calle Sands, jaʼto ya yichʼ jojchobtesel ta jaʼbil 2017.

Naʼbeyaxan skʼoplal

¿Bin-a te Betele?

Jaʼnax ta Betel te banti ya yichʼ pasel te bintik kʼax bayal skʼoplale, maʼyuk yan. Nopaxan ta swenta te machʼatik ya x-aʼtejik tey-ae.